ସରକାର ଆଜି ୬ ଓଏଏସ୍ ଅଫିସରଙ୍କୁ ବଦଳି କରି ବିଭିନ୍ନ ମନ୍ତ୍ରୀଙ୍କର ବ୍ୟକ୍ତିଗତ ସଚିବ (ପିଏସ୍) ଅଫିସର ଅନ୍ ସ୍ପେସାଲ ଡ୍ୟୁଟି (ଓଏସଡି) ଭାବେ ନି ଯୁକ୍ତି ଦେଇଛନ୍ତି । ସାଧାରଣ ପ୍ରଶାସନ ବିଭାଗ ବିଜ୍ଞପ୍ତି ଅନୁ ଯାୟୀ, କେନ୍ଦ୍ରାପଡା ଏଡିଏମ ପିତାମ୍ବର ସାମଲଙ୍କୁ ବଦଳି କରାଯାଇ କୋ-ଅପରେସନ, ହ୍ୟାଣ୍ଡଲୁମ, ଟେକ୍ସଟାଇଲ ମନ୍ତ୍ରୀ ପ୍ରଦୀପ ବଳସାମନ୍ତଙ୍କ ବ୍ୟକ୍ତିଗତ ସଚିବ (ପିଏସ୍) ଭାବେ ନିଯୁକ୍ତି ଦିଆଯାଇଛି ।
ସେହିପରି ବେ ଦ୍ଧ ଏଡିଏମ ଦିଲ୍ଲୀପ କୁମାର ମହାପାତ୍ରଙ୍କୁ ଶ୍ରମ ଓ ଜଙ୍ଗଲ ପରିବେଶ ମନ୍ତୀ ଗଣେଶ ଆର୍, ସିଂହଖୁଣ୍ଟିଆଙ୍କ ପିଏସ୍ ଭାବେ, ଡବ୍ଲ୍ୟୁ ଆଣ୍ଡ ସିଡି ଡିପାର୍ଟମେଣ୍ଟର ଯୁଗ୍ମ ସଚିବ ମଧୁସୁଦନ ବେହେରାଙ୍କୁ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ପିଏସ ଭାବେ , ଜିଲ୍ଲା ପରିଷଦ ଖୋର୍ଦ୍ଦାରେ ସିଡିଓ କମ୍ ଇଓ ଥିବା ବାଦଲ କୁମାର ମହାନ୍ତିଙ୍କୁ ମତ୍ସ୍ୟ ଓ ପଶୁ ସମ୍ବଳ ବିକାଶ ମନ୍ତ୍ରୀ ଗୋକୁଳାନନ୍ଦ ମଲ୍ଲିକଙ୍କ ପିଏସ୍, କ୍ରୀଡା ଓ ଯୁବସେବା ବିଭାଗର ଓଏସଡି ସିଦ୍ଧାର୍ଥ ଶଙ୍କର ସାହୁଙ୍କୁ ଶିଳ୍ପ ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁଙ୍କ ଓଏସଡି ଭାବେ ଏବଂ ଏସଟି-ଏସସି ଡେଭଲପମେଣ୍ଟ ବିଭାଗ ଡେପୁଟି ସେକ୍ରେଟାରୀ ଆଶିଶ କୁମାର ଭୋଇଙ୍କୁ ବଦଳି କରାଯାଇ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଓଏସଡି ଭାବେ ନିଯୁକ୍ତି ଦିଆଯାଇଛି ।
