ଭୁବନେଶ୍ବର: ନିର୍ବାଚନ ପୂର୍ବରୁ ବିଜେଡିରେ ବିଦ୍ରୋହୀଙ୍କ ସଂଖ୍ୟା ବଢ଼ିବା ନେଇ ଦଳର ବରିଷ୍ଠ ନେତା ପଦ୍ମନାଭ ବେହେରା ବଡ଼ ମନ୍ତବ୍ୟ ପ୍ରଦାନ କରିଛନ୍ତି। ସେ ଗଣମାଧ୍ୟମକୁ କହିଛନ୍ତି ଟିକେଟ ଆଶାୟୀଙ୍କୁ ଟିକେଟ ନ ମିଳିବାରୁ ସେମାନେ ଅସନ୍ତୁଷ୍ଟ ହୋଇ ବିଦ୍ରୋହୀ ପାଲଟି ଇସ୍ତଫା ଦେଇଛନ୍ତି। ନିର୍ବାଚନ ପୂର୍ବରୁ ଏଭଳି ହେବା ସାଧାରଣ କଥା। ତେବେ ଚଳିତ ଥର ବିଦ୍ରୋହୀଙ୍କ ସଂଖ୍ୟା ଅଧିକ ରହିଛି। ବିଦ୍ରୋହୀଙ୍କୁ ମ୍ୟାନେଜ୍ କରି କିଭଳି ନିର୍ବାଚନ ବୈତରଣୀ ପାର୍ କରାଯିବ ତାହା ଦଳକୁ ଜଣାଅଛି। ବିଦ୍ରୋହ ହେବା କିଛି ନୂଆ ଘଟଣା ନୁହେଁ। ସେମାନେ ପୁଣି ଦଳକୁ ଫେରିବେ।
ଏଥିରେ ବ୍ୟସ୍ତ ହେବାର କିଛି ନାହିଁ। ଦଳର ନିର୍ବାଚନ ପରିଚାଳନାରେ କିଛି ଫରକ୍ ପଡ଼ିବ ନାହିଁ ବୋଲି ସେ କହିଛନ୍ତି। ଦଳ ଅଧିକ ଆସନରେ ବିଜୟ ହାସଲ କରିବ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।
