ଶେଷ ହେଲା ନିର୍ବନ୍ଧ ବିବାହକୁ ଆଉ କିଛି ଦିନ ରହିଲା ବାକି

ନୂଆଦିଲ୍ଲୀ:ଭାରତର ଷ୍ଟାର ବ୍ୟାଡମିଣ୍ଟନ ଖେଳାଳି ପିବି ସିନ୍ଧୁ ତାଙ୍କ ଜୀବନରେ ଏକ ନୂଆପଥରେ ଆଗେଇଛନ୍ତି। ପିବିଙ୍କ ହାଇଦ୍ରାବାଦର ବାସିନ୍ଦା ଭେଙ୍କଟ ଦତ୍ତା  ସାଇଙ୍କ ସହିତ ଡିସେମ୍ବର ୧୪ ତାରିଖ‌ ଶନିବାର ଦିନ  ନିର୍ବନ୍ଧ ହୋଇଛି। ପ୍ରକାଶିତ ରିପୋର୍ଟରୁ ଜଣାପଡ଼ିଛି, ପିବି ସିନ୍ଧୁ ଓ ଭେଙ୍କଟ ଦତ୍ତା ସାଇଙ୍କ ପରିବାର ଲୋକଙ୍କ ଉପସ୍ଥିତିରେ ଏହି ନିର୍ବନ୍ଧ ଶେଷ ହୋଇଛି। ଏ ସମ୍ପର୍କରେ ନିଜେ ପିବି ସିନ୍ଧୁ ଇନଷ୍ଟାଗ୍ରାମରେ ନିର୍ବନ୍ଧର ଫଟୋ ଦେଇ ସୂଚନା ଦେଇଛନ୍ତି। ଏହି ଫଟୋରେ ପିବି ସିନ୍ଧୁ ଓ ଭେଙ୍କଟ ଦତ୍ତା  ସାଇ ଛିଡ଼ା ହୋଇଥିବା ବେଳେ ତାଙ୍କ ପଛପାର୍ଶ୍ବରେ ଥିବା ପୋଷ୍ଟରରେ  ମିସ ଟୁ ମିସେଜ ଲେଖାହୋଇଛି। ପ୍ରକାଶିତ ରିପୋର୍ଟରୁ ଜଣାପଡ଼ିଛି, ଏହି ବିବାହରେ ପ୍ରଧାନମନ୍ତ୍ରୀ ନ‌ରେନ୍ଦ୍ର ମୋଦୀଙ୍କ ଠାରୁ ଆରମ୍ଭ କରି ଗୃହମନ୍ତ୍ରୀ ଅମିତ ଶାହଙ୍କୁ ନିମନ୍ତ୍ରଣ କରାଯାଇଛି।