Thursday, September 25, 2025
22.9 C
Odisha

    ରୁଷିଆ-ୟୁକ୍ରେନ ଯୁଦ୍ଧ ଶେଷ ହେବ!: ଟ୍ରମ୍ପଙ୍କ ଦୂତଙ୍କ ଯୋଜନା ପ୍ରସ୍ତୁତ

    ଆଗକୁ ପଢନ୍ତୁ

    ୱାଶିଂଟନ: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଅବସରପ୍ରାପ୍ତ ତିନି ତାରକା ଜେନେରାଲ କିଥ୍ କେଲୋଗ୍‌ଙ୍କୁ ୟୁକ୍ରେନ ଏବଂ ରୁଷିଆ ବିବାଦ ଶେଷ ପାଇଁ ତାଙ୍କର ବିଶେଷ ଦୂତ ଭାବରେ ଚୟନ କରିଛନ୍ତି। ୮୦ ବର୍ଷ ବୟସ୍କ କିଥ କେଲୋଗ୍ ଦୀର୍ଘ ବର୍ଷ ଧରି ପ୍ରତିରକ୍ଷା ପ୍ରସଙ୍ଗରେ ଟ୍ରମ୍ପଙ୍କ ସର୍ବୋଚ୍ଚ ପରାମର୍ଶଦାତା ଭାବରେ କାର୍ଯ୍ୟ କରିଆସୁଛନ୍ତି।ଆମେରିକାର ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଥିବା କିଥ ୟୁକ୍ରେନ ଏବଂ ରୁଷିଆର ଏକ ସ୍ୱତନ୍ତ୍ର ଦୂତ ଭାବରେ ଦୁଇ ଦେଶ ମଧ୍ୟରେ ଚାଲିଆସୁଥିବା ଯୁଦ୍ଧକୁ ସମାପ୍ତ କରିବା ପାଇଁ ଏକ ଆହ୍ବାନର ସମ୍ମୁଖୀନ ହୋଇଛନ୍ତି। ୟୁକ୍ରେନ ଯୁଦ୍ଧକୁ ସମାପ୍ତ କରିବାକୁ ଆମେରିକା ନିର୍ବାଚନରେ ​​ଘୋଷଣା କରିଥିବା ଟ୍ରମ୍ପଙ୍କ ପ୍ରତିଶ୍ରୁତି ପୂରଣ କରିବା ପାଇଁ ତାଙ୍କ ଉପରେ ଦାୟିତ୍ବ ନ୍ୟସ୍ତ କରାଯାଇଛି। ଏନେଇ କିଥଙ୍କର ଏକ ସ୍ୱତନ୍ତ୍ର ଯୋଜନା ରହିଛି।

    ସିଏନ୍ଏନ୍ ରିପୋର୍ଟ ଅନୁଯାୟୀ, ଏହି ନିଯୁକ୍ତି ସହିତ ଡୋନାଲ୍ଡ ଟ୍ରମ୍ପ ୟୁକ୍ରେନ ଯୁଦ୍ଧକୁ ଶେଷ କରିବା ପାଇଁ କେଲୋଗଙ୍କ ଶାନ୍ତି ଯୋଜନା ମଧ୍ୟ ଗ୍ରହଣ କରିଛନ୍ତି। ତାଙ୍କ ଯୋଜନାରେ ଅସ୍ତ୍ରବିରତି, ବୁଝାମଣା ଏବଂ ୟୁକ୍ରେନକୁ ସାମରିକ ସହାୟତାରେ ପରିବର୍ତ୍ତନ ଅନ୍ତର୍ଭୁକ୍ତ। ତଥାପି ଏହି ଯୋଜନା ସହଜ ନୁହେଁ ବୋଲ ବିଶେଷଜ୍ଞମାନଙ୍କ ପକ୍ଷରୁ କୁହାଯାଉଛି। ଏଥିରେ ଅନେକ ଆହ୍ବାନ ରହିଛି। ଯେଉଁଥିରେ ରୁଷିଆର ଦାବିକୁ ସାମ୍ନା କରିବା ଏବଂ ପଶ୍ଚିମ ଦେଶମାନଙ୍କ ମଧ୍ୟରେ ଏକତା ବଜାୟ ରଖିବା ଭଳି ପ୍ରଶ୍ନ ମଧ୍ୟ ରହିଛି।

    ଆମେରିକାର ପ୍ରଥମ ପଲିସି ଇନଷ୍ଟିଚ୍ୟୁଟ୍ ପାଇଁ ଲେଖିଥିବା ରିପୋର୍ଟରେ ଜେନେରାଲ କିଥ କେଲୋଗ୍ ତାଙ୍କର ଶାନ୍ତି ଯୋଜନା ବିଷୟରେ ବିସ୍ତୃତ ବିବରଣୀ ଦେଇଛନ୍ତି। ଯେଉଁଥିରେ ସେ ରୁଷିଆ-ୟୁକ୍ରେନ ଯୁଦ୍ଧ ବନ୍ଦ କରିବାକୁ ଆଶାବ୍ୟକ୍ତ କରିଛନ୍ତି।

    କିଥଙ୍କ ଯୋଜନାରେ କୁହାଯାଇଛି ଯେ, ଅସ୍ତ୍ରବିରତି ଏବଂ ସମାଧାନ ପାଇଁ ଆମେରିକାର ଏକ ନୀତି ହେବା ଉଚିତ୍। ୟୁକ୍ରେନକୁ ଭବିଷ୍ୟତର ଆମେରିକୀୟ ସହାୟତା ଋଣ ଆକାରରେ ଦିଆଯିବା ଉଚିତ, ଯାହା ୟୁକ୍ରେନ-ରୁଷିଆ ଆଲୋଚନା ଉପରେ ନିର୍ଭର କରିବ। ଆମେରିକା ୟୁକ୍ରେନକୁ ଅସ୍ତ୍ରଶସ୍ତ୍ର ଯୋଗାଣ କରିବ ଯାହାଦ୍ବାରା ୟୁକ୍ରେନ୍ କେବଳ  ନିଜକୁ ରକ୍ଷା କରିପାରିବ। ୟୁକ୍ରେନ କୌଣସି କ୍ଷେତ୍ରରେ ରୁ‌ଷିଆର ବିକାଶରେ ବାଧା ଯେପରି ନ ଦେବ ସେ ନେଇ ମଧଓ୍ୟ ସର୍ତ୍ତ ରହିବ।

    କେଲୋଗ୍‌ଙ୍କ ଯୋଜନା ଅନୁଯାୟୀ, ଯୁଦ୍ଧ ବିରତିର ଏକ ନୀତି ସ୍ଥିର ହେବ। ଏଥିରେ ସହମତ ହୋଇ ରୁଷିଆ ସୀମିତ ପ୍ରତିବନ୍ଧକରୁ ମୁକ୍ତି ପାଇବ। ତେବେ ୟୁକ୍ରେନର ପସନ୍ଦ ଅନୁଯାୟୀ ଶାନ୍ତି ଚୁକ୍ତି ସ୍ୱାକ୍ଷରିତ ହେଲେ ହିଁ ଏହି ନିଷେଧାଦେଶରୁ ସମ୍ପୂର୍ଣ୍ଣ ଆଶ୍ବସ୍ତି ମିଳିବ। ଏହି ଯୋଜନା ଅନ୍ତର୍ଗତ, ୟୁକ୍ରେନକୁ ଅଧିକୃତ ଅଞ୍ଚଳ ଉପରେ ନିୟନ୍ତ୍ରଣ ଫେରାଇବାକୁ କୁହାଯିବ ନାହିଁ। କୂଟନୈତିକ ମାଧ୍ୟମରେ ସେ ଏହାକୁ ଅନୁସରଣ କରିବାକୁ ରାଜି ହେବେ।

    କିଥଙ୍କ ଯୋଜନା ଆକର୍ଷଣୀୟ ଲାଗୁଛି କିନ୍ତୁ ରୁଷିଆର ଦାବି କିପରି ପୂରଣ ହେବ ତାହା ଉଲ୍ଲେଖ କରାଯାଇ ନାହିଁ। ଏଥି ସହିତ, ବିମୁଦ୍ରୀକରଣ ଜୋନ୍ ପାଇଁ ବାହିନୀର ଆବଶ୍ୟକତା ପୂରଣ କରିବା ମଧ୍ୟ ଏକ ଆହ୍ବାନ ହେବ। ଏହି ଯୋଜନା ୟୁକ୍ରେନ ପାଇଁ ଏକ ଭଲ ସୁଯୋଗ ହୋଇପାରେ। ୟୁକ୍ରେନ ପାଇଁ ବର୍ତ୍ତମାନ ଅସ୍ତ୍ରବିରତି ଜରୁରୀ।

    କାରଣ ୟୁକ୍ରେନ ସବୁ ମୋର୍ଚ୍ଚାରେ ପରାଜିତ ହେବାରେ ଲାଗିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ରୁଷିଆ ଏହି ଯୋଜନା ଉପରେ କିଭଳି ଆଭିମୁଖ୍ୟ ଗ୍ରହଣ କରିବ ତାହା ଉପରେ ଏହାର ଆଗେଇବା ନିର୍ଭର କରୁଛି ବୋଲି ଚର୍ଚ୍ଚା ହେଉଛି।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    22.9 ° C
    22.9 °
    22.9 °
    96 %
    1.1kmh
    99 %
    Thu
    29 °
    Fri
    29 °
    Sat
    27 °
    Sun
    26 °
    Mon
    29 °

    ସମ୍ବନ୍ଧିତ