ଭୁବନେଶ୍ୱର : ପୋଲିସ ଏସଆଇ ପରୀକ୍ଷା କେଳେଙ୍କାରୀ ମାମଲାରେ କେବେ ଆରମ୍ଭ ହେବ ସିବିଆଇ ତଦନ୍ତ । ସିବିଆଇକୁ ତଦନ୍ତ ଦାୟିତ୍ବ ଦିଆଯାଇଛି । କିନ୍ତୁ ମାମଲାରେ ଖୋଳତାଡ଼ ଆରମ୍ଭ କରିନି ସିବିଆଇ । କ୍ରାଇମବ୍ରାଞ୍ଚ ଡିଜି ବିନୟତୋଷ ମିଶ୍ର କହିଛନ୍ତି, ସିବିଆଇ ଅଧିକାରୀମାନେ ଆସିଲେ ଆମେ ସେମାନଙ୍କୁ କେସ ରେକର୍ଡ ହସ୍ତାନ୍ତର କରାଯିବ । ଏହି ମାମଲାରେ ଆନ୍ତଃରାଜ୍ୟ ଲିଙ୍କ ଥିବାରୁ ସରକାର ସିବିଆଇକୁ ତଦନ୍ତ ଦାୟିତ୍ବ ଦେଇଛନ୍ତି । ଆନ୍ତଃରାଜ୍ୟ ଲିଙ୍କ୍ ଥିବାରୁ ସିବିଆଇ ଦ୍ବାରା ତଦନ୍ତ ଭଲ ଭାବରେ ଆଗେଇ ପାରିବ ।
ଆମେ ଯେତେବେଳେ ଯାହା ତଥ୍ୟ ପ୍ରମାଣ ପାଇଛୁ, ସେହି ଆଧାରରେ ତଦନ୍ତକୁ ଆଗେଇଛୁ। ଆମକୁ ଆଗକୁ ଯାହା ଯାହା ତଥ୍ୟ ପ୍ରମାଣ ମିଳିବ ତାକୁ ସାମ୍ନାକୁ ଆଣିବୁ ବୋଲି କ୍ରାଇମବ୍ରାଞ୍ଚ ଡିଜି କହିଛନ୍ତି । ଏସଆଇ ନିଯୁକ୍ତି ପରୀକ୍ଷା କେଳେଙ୍କାରୀ ମାମଲାରେ ଏପର୍ଯ୍ୟନ୍ତ ଧରାପଡ଼ିନି ମାଷ୍ଟର ମାଇଣ୍ଡ ଶଙ୍କର ପୃଷ୍ଟି । ଅନ୍ୟପଟେ ଗିରଫ ହୋଇଥିବା ସମସ୍ତ ୧୧୪ ପରୀକ୍ଷାର୍ଥୀ ଗତକାଲି ବ୍ରହ୍ମପୁର ଜେଲରୁ ଜାମିନରେ ମୁକୁଳିଛନ୍ତି।
