ପରୀକ୍ଷା ଦେବାକୁ ଆସି କଲେଜ ଛାତ୍ରୀ ନିଖୋଜ

ଦେଓଗାଁ : ବଲାଙ୍ଗିର ଜିଲ୍ଲା ଦେଓଗାଁ ଥାନା ଅଧୀନ କରୁଆଁଝର ଗାଁର ଜଣେ ଛାତ୍ରୀ କଲେଜକୁ ପରୀକ୍ଷା ଦେବାକୁ ଆସି ନିଖୋଜ ହୋଇଯାଇଥିବା ଦେଓଗାଁ ଥାନାରେ ଲିଖିତ ଅଭିଯୋଗ ହୋଇଛି । ଅଭିଯୋଗକୁ ଭିତ୍ତିକରି ତଦନ୍ତ ଆରମ୍ଭ କରିଥିବା ସୂଚନା ଦେଇଛନ୍ତି ଥାନାଧିକାରୀ ହରୀବନ୍ଧୁ ଗଡ଼ତ୍ୟା । ମଙ୍ଗଳବାର ଛାତ୍ରୀ ଜଣକ ଜରାସିଂହା ଶାଶ୍ୱତ ଡିଗ୍ରୀ କଲେଜକୁ ଦ୍ୱିତୀୟ ସେମିଷ୍ଟାର ପରୀକ୍ଷା ଦେବାପାଇଁ ଆସିଥିଲେ । ପରୀକ୍ଷା ଦେବାପରେ ଘରକୁ ନଯାଇ ସେ କୁଆଡେ ଚାଲିଯାଇଥିଲେ । ସନ୍ଧ୍ୟା ପର୍ଯ୍ୟନ୍ତ ସେ ଘରକୁ ନ ଫେରିବାରୁ ତାଙ୍କ ବାପା ଥାନାରେ ଅଭିଯୋଗ କରିଥିଲେ ।