ଆପଣମାନେ ତ ଜାଣିଥିବେ ଯେ ଆଜିକାଲି ସମସ୍ତ ଲୋକ ଶୋଇବାକୁ ନେଇ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ତେବେ ଯେଉଁମାନଙ୍କୁ ବିଛଣାରେ ଶୋଇବା ମାତ୍ରେ ନିଦ ହୋଇଯାଉଛି, ସେମାନେ ତ ବହୁତ ଖୁସି ଶୋଇଯାଉଛନ୍ତି । କିନ୍ତୁ ଯେଉଁମାନଙ୍କୁ ସଠିକ୍ ଭାବେ ନିଦ ହୋଇନଥାଏ, ସେମାନେ ଅନେକ ପ୍ରକାରର ସମସ୍ୟାର ସମ୍ମୁଖୀନ ହୋଇଥାନ୍ତି । ଆମ ଶରୀର ସୁସ୍ଥ ରହିବା ପାଇଁ ଭଲ ଏବଂ ଗଭୀର ନିଦ ଅତ୍ୟନ୍ତ ଜରୁରୀ । ଯେତେବେଳେ ଆମେ ସଠିକ୍ ଭାବେ ଶୋଇଥାଉ, ଆମ ଶରୀର ଏବଂ ଏହାର ସମସ୍ତ ଅଙ୍ଗ ଭଲଭାବେ କାର୍ଯ୍ୟ କରିଥାଏ । ଶୋଇବା ଆମ ରୋଗ ପ୍ରତିରୋଧକ ଶକ୍ତିକୁ ମଜ୍ବୁତ କରିଥାଏ । ଚିନ୍ତା ଏବଂ ବୁଝିବାର ଶକ୍ତି ବଢାଏ ଏବଂ ମନ ଶାନ୍ତ ରଖିବା ସହିତ ସୁସ୍ଥ ରଖିବାରେ ମଧ୍ୟ ସାହାଯ୍ୟ କରିଥାଏ । କିନ୍ତୁ ଅନେକ କାରଣ ଅଛି ଯାହା ନିଦ ନହେବା ପାଇଁ ଦାୟୀ ହୋଇପାରେ । ଯେପରି ଭଲ ବିଛଣା, ଶାନ୍ତ ପରିବେଶ, ସାଧାରଣ ତାପମାତ୍ରା ଏବଂ ମାନସିକ ଶାନ୍ତି ଭଲ ନିଦରେ ସାହାଯ୍ୟ କରେ । ଅବଶ୍ୟ, ଗତ କିଛି ବର୍ଷ ମଧ୍ୟରେ ଲୋକଙ୍କ ମଧ୍ୟରେ ନିଦ ନହେବା ସମସ୍ୟା ଯଥେଷ୍ଟ ବୃଦ୍ଧି ପାଇଛି । ଏହା ପଛରେ ଅନେକ କାରଣ ରହିଛି । ତେବେ ଆପଣ କିଛି ଅଭ୍ୟାସ ପରିବର୍ତ୍ତନ କରି ଭଲ ନିଦ ପାଇପାରିବେ । ତାହେଲେ ଆସନ୍ତୁ ଜାଣିବା ଯେ ଭଲ ନିଦ ପାଇଁ କ’ଣ କରିବା ଉଚିତ ।
ଏହି ଅଭ୍ୟାସ ଭଲ ନିଦରେ ସାହାଯ୍ୟ କରିଥାଏ :
ଗ୍ୟାଜେଟରୁ ଦୂରେଇ ରୁହନ୍ତୁ : ଆଜିକାଲି ଲୋକମାନେ ମୋବାଇଲ୍ ଫୋନ୍ ଏବଂ ଟିଭି ଦେଖିବା ସମୟରେ ଶୋଇବାକୁ ଚେଷ୍ଟା କରୁଛନ୍ତି । କିଛି ଲୋକ ଭାବନ୍ତି ଯେ ଏହା ସେମାନଙ୍କୁ ଶୋଇବାରେ ସାହାଯ୍ୟ କରିଥାଏ, କିନ୍ତୁ ତାହା ହୋଇନଥାଏ । ତେବେ ଫୋନ୍, ଲାପଟପ୍ ଏବଂ ଟିଭିରୁ ବାହାରୁଥିବା ବ୍ଲୁ ଲାଇଟ୍ ହରମୋନ୍ ମେଲାଟୋନିନ୍ ଉତ୍ପାଦନରେ କରିବାରେ ବାଧା ସୃଷ୍ଟି କରିଥାଏ । ଯାହା ଆମ ନିଦ ପାଇଁ ବହୁତ ଜରୁରୀ ହୋଇଥାଏ । ଯଦି ଆପଣ ଭଲ ନିଦ ପାଇବାକୁ ଚାହୁଛନ୍ତି, ତେବେ ଅତି କମରେ ଶୋଇବାର ୧ ଘଣ୍ଟା ପୂର୍ବରୁ ଏହି ଗ୍ୟାଜେଟଗୁଡିକ ବ୍ୟବହାର କରିବା ବନ୍ଦ କରନ୍ତୁ । ଯଦି ଅତ୍ୟନ୍ତ ଆବଶ୍ୟକ, ଏକ ବ୍ଲୁ ଲାଇଟ୍ ଫିଲ୍ଟର ବ୍ୟବହାର କରନ୍ତୁ । ଯାହାଫଳରେ ଆପଣଙ୍କ ଆଖି ମଧ୍ୟ ପ୍ରଭାବିତ ହେବ ନାହିଁ ଏବଂ ଆପଣ ଭଳ ନିଦରେ ଶୋଇପାରିବେ ।
ଶୋଇବା ଏବଂ ଉଠିବା ପାଇଁ ଏକ ଟାଇମ୍ ସେଟ୍ କରନ୍ତୁ : ଲୋକମାନେ ଖରାପ ଲାଇଫ୍ ଷ୍ଟାଇଲ୍ ଯୋଗୁ ଶୋଇବା ପାଇଁ ଅନେକ ସମସ୍ୟାର ସମ୍ମୁଖୀନ ହୋଇଥାନ୍ତି । ଯାହା ଶୋଇବା ଉପରେ ଏହାର ଖରାପ ପ୍ରଭାବ କପାଇଥାଏ । ଆମ ଶରୀର ସର୍କାଡିୟନ୍ ରିମ୍ ଉପରେ କାମ କରେ । ଏହା ଏକ ୨୪ ଘଣ୍ଟା ସାଇକେଲ ହୋଇଥାଏ । ଏହା ଅନ୍ଧାର ଏବଂ ଆଲୋକ ଦ୍ୱାରା ନିୟନ୍ତ୍ରିତ ହୋଇଥାଏ । ତେଣୁ ଶୋଇବା ଏବଂ ଉଠିବା ପାଇଁ ଏକ ଟାଇମ୍ ସେଟ୍ କରନ୍ତୁ । ଯାହାଫଳରେ ଆପଣ ଭଲ ଦିନରେ ଶୋଇପାରିବେ । ଏପରି ଭାବେ ଆପଣଙ୍କ ଶୋଇବା ସମସ୍ୟାର ମଧ୍ୟ ସମାଧାନ ହୋଇଯିବ ।
ଶୋଇବା ପୂର୍ବରୁ ଏହି କାମ କରନ୍ତୁ : ଶୋଇବା ପୂର୍ବରୁ ଏକ ଆରାମଦାୟକ ଫର୍ମକୁ ଯାଆନ୍ତୁ, ଯାହା ଶରୀରକୁ ଶୋଇବାକୁ ସଙ୍କେତ ଦେଇଥାଏ । ଏଥିପାଇଁ ଗଭୀର ନିଶ୍ୱାସ ନିଅନ୍ତୁ, ମାଂସପେଶୀକୁ ଆରାମ ଦିଅନ୍ତୁ ଏବଂ ଏହି କାର୍ଯ୍ୟ ବାରମ୍ବାର କରନ୍ତୁ । ଆପଣ ୪ଟି ପର୍ଯ୍ୟନ୍ତ ଏପରି କରିପାରିବେ । ଏହା ଶରୀରକୁ ଆରାମ ଦେବ ଏବଂ ଭଲ ନିଦ କରିବାରେ ସାହାଯ୍ୟ କରିବ । ସେଥିପାଇଁ ଯେଉଁମାନଙ୍କୁ ନିଦ ହେଉନାହିଁ, ସେମାନେ ପ୍ରତିଦିନ ଏହି ସବୁ କାମ କରନ୍ତୁ । ଦେଖିବେ କିଛି ଦିନ ମଧ୍ୟରେ ନିଦ ହେଉନଥିବା ସମସ୍ୟା ଦୂର ହୋଇଯିବ । ଏପରି ଭାବେ ଆପଣ ସୁସ୍ଥ ରହିବେ ଏବଂ କୌଣସି ପ୍ରକାରର ସ୍ୱାସ୍ଥ୍ୟ ସମସ୍ୟା ହେବ ନାହିଁ ।state
