ବଡ଼ୋଦରା (ଗୁଜରାଟ): ନିର୍ଯାତନା ଦେଇ ଅପଦସ୍ଥ କରିଥିବା ‘ବସ୍’ଙ୍କୁ ‘ହନିଟ୍ରାପ୍’ କରାଇ ଦୀର୍ଘ ୩ ମାସ ଧରି ସାମାଜିକ ଗଣମାଧ୍ୟମରେ ତାଙ୍କର ଓ ତାଙ୍କ ସ୍ତ୍ରୀଙ୍କର ନଗ୍ନ ଫଟୋ ସବୁ ସେୟାର୍ କରି ୨ଜଣ କର୍ମଚାରୀ ପ୍ରତିଶୋଧ ନେଇଥିବା କଥା ପୁଲିସ କହିଛି। ନିର୍ଯାତିତ ହୋଇ ଚାକରି ଛାଡ଼ିଥିବା ସେ ୨ଜଣ କର୍ମଚାରୀଙ୍କ ମଧ୍ୟରୁ ଜଣେ ହେଉଛନ୍ତି ମହିଳା ଓ ଆଉ ଜଣେ ପୁରୁଷ। ପୁରୁଣା କମ୍ପାନିର ‘ବସ୍’ ଦେଉଥିବା ଅପମାନ ସହ୍ୟ କରି ନ ପାରି ସେମାନେ ଚାକରି ଛାଡ଼ିଥିଲେ। ତା’ର ୩ ମାସ ପରେ ପୂର୍ବତନ ‘ବସ୍’ଙ୍କୁ ‘ହନି-ଟ୍ରାପିଙ୍ଗ୍’ ଓ ‘ବ୍ଲାକ୍ମେଲ୍’କରି ଅପମାନର ପ୍ରତିଶୋଧ ନେବାକୁ ଦୁହେଁ ନିଷ୍ପତ୍ତି ନେଲେ। ଦୁହେଁ ଜଣେ ମହିଳାଙ୍କ ନାଁ’ରେ ‘ଫେକ୍ ଇନ୍ଷ୍ଟାଗ୍ରାମ୍ ଆକାଉଣ୍ଟ୍’ ଖୋଲି ୪ ମାସ ଧରି ‘ବସ୍’ଙ୍କ ସହିତ ଚାଟିଙ୍ଗ୍ କଲେ। ଯୌନୋଦ୍ଦୀପକ ବାର୍ତ୍ତା ଓ ୱେବ୍ସାଇଟ୍ରୁ ଡାଉନ୍ ଲୋଡ୍ କରି ନଗ୍ନ ଫଟୋ ସବୁ ପଠାଇଲେ। ୪୦ ବର୍ଷ ପାଖାପାଖି ବୟସ ହୋଇଯାଇଥିବା ‘ବସ୍’ ଭାବିଲେ ନିଶ୍ଚୟ କୌଣସି ମହିଳା ତାଙ୍କ ସହିତ ‘ଚାଟିଙ୍ଗ୍’ କରୁଛନ୍ତି। ‘ବସ୍’ ତାଙ୍କ ପାଲରେ ପଡ଼ି ସେମାନଙ୍କ ପାଖକୁ ନିଜର ନଗ୍ନ ଫଟୋ ସବୁ ପଠାଇଲେ। ତା’ପରେ ଉକ୍ତ ଆକାଉଣ୍ଟ୍ରୁ ‘ବସ୍’ଙ୍କ ପାଖକୁ ଆଉ ମେସେଜ୍ ଆସିଲା ନାହିଁ। ଏହାର ଅଳ୍ପ ଦିନ ପରେ ସେମାନେ ‘ବସ୍’ଙ୍କ ଇମେଲ୍ରେ ତାଙ୍କ (‘ବସ୍’ଙ୍କର) ନଗ୍ନ ଫଟୋ ଓ ଯୌନୋଦ୍ଦୀପକ ‘ଚାଟ୍’ ସବୁ ପଠାଇଲେ। କିଏ ତାଙ୍କୁ ‘ହନିଟ୍ରାପ୍’ କଲା ବୋଲି ଜାଣି ନ ପାରି ସେ ଭୟଭୀତ ହୋଇଗଲେ। ଏମିତି ୩ ମାସ ଚାଲିଲା। ଶେଷରେ ସେମାନେ ‘ବସ୍’ଙ୍କ ସ୍ତ୍ରୀଙ୍କ ପାଖକୁ ମଧ୍ୟ ଫଟୋ ଓ ମେସେଜ୍ ସବୁ ପଠାଇଲେ।
Mo Odisha
“Mo Odisha” is one of the well known News Websites in Odisha. Mo Odisha is a news portal functioning since 2006 and appreciated by thousand of viewers. This news portal is a part of Pabitrainfotech with media partners: – E-Halchal, Ollywood Diary, Odisha market, Pabitra Entertainment, Namaskar Odisha, and Odisha Radio.
Subscribe
© Mo Odisha. All Rights Reserved. Powered By Suryanandan.net