ଭାରତର ସର୍ବବୃହତ ଆଲୁମିନିୟମ ଉଦ୍ୟୋଗ ବେଦାନ୍ତ ଆଲୁମିନିୟମ ମେଗା ସଡ଼କ ସୁରକ୍ଷା ସଚେତନତା ପଦକ୍ଷେପ -ସୁରକ୍ଷା ସାରଥୀ କାର୍ଯ୍ୟକ୍ରମ ଝାରସୁଗୁଡ଼ାରେ ଲଖନପୁର ମାଇନସରେ ମହାନଦୀ କୋଲଫିଲଡସ ତଥା ପ୍ରମୁଖ ପରିବହନ ସଂଘ, ମା ସମଲେଶ୍ୱରୀ ଟ୍ରକ ମାଲିକ ସଂଘ ଏବଂ ଆୟୁଷ ରୋଡଲାଇନ ସହଯୋଗରେ ପରିଚାଳନା କରିଛି । ଏଥିରେ ୧୫୦୦ ଡ୍ରାଇଭର ଯୋଗ ଦେଇଥିଲେ ।ଏହି ସଚେତନତା କାର୍ଯ୍ୟକ୍ରମର ଅଂଶ ଭାବରେ ବେଦାନ୍ତ ଆଲୁମିନିୟମ ସଡ଼କ ନିରାପତା ଉପରେ ଗୁରୁତ୍ୱ ପ୍ରଦାନ ପାଇଁ ଅନେକ ପଦକ୍ଷେପ ପ୍ରସ୍ତୁତ କରିଥିଲା । ଏହି କାର୍ଯ୍ୟକ୍ରମରେ ଡ୍ରାଇଭରମାନଙ୍କୁ ସୁରକ୍ଷା କିଟ ପ୍ରଦାନ କରାଯାଇଥିଲା । ସେମାନଙ୍କ ମଧ୍ୟରେ କୁଇଜ ଓ ଏକ ନୁକଡ଼ ନାଟକ ଆୟୋଜନ କରାଯାଇଥିଲା ଓ ଟ୍ରାଫିକ ନିୟମାବଳୀ ଓ ସୁରକ୍ଷା ମାନକ ଉପରେ ଗୁରୁତ୍ୱ ଦିଆଯାଇଥିଲା ।ସମ୍ମାନଜନକ ଅଧିକାରୀମାନେ ଏହି କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ ଯଥା- ଦିନବନ୍ଧୁ ଶୁଣ୍ଢି, ସଡ଼କ ପରିବହନ ଅଧିକାରୀ, ଝାରସୁଗୁଡ଼ା, ଳୋକନାଥ ମେହେର, ମୋଟର ଯାନ ଇନିସପେକ୍ଟର, ଝାରସୁଗୁଡ଼ା, ସଂଜୟ ଝା, ମହାପ୍ରବନ୍ଧକ ଏମସିଏଲ, ଲଖନପୁର, ଅଖିଳ ସ୍ୱାଇଁ ସଭାପତି ଏମଏସଟିଓଏ, ସନ୍ତୋଷ ମହାନ୍ତି ସାଧାରଣ ସଂପାଦକ ଏମଏସଟିଓଏ ଓ ଚନ୍ଦନ ଅଗ୍ରୱାଲ-ଆୟୁଷ ରୋଡ ଲାଇନସ ।
ଏହି ଅଭିଯାନ ସଂପର୍କରେ ନିଜର ମତ ଉପସ୍ଥାପନା କରି ସୁନିଲ ଗୁପ୍ତା, ସିଓଓ, ବେଦାନ୍ତ ଆଲୁମିନିୟମ କହିଥିଲେ ଯେ ବେଦାନ୍ତ ଆଲୁମିନିୟମରେ ସୁରକ୍ଷା ସଂସ୍କୃତି ଉପରେ ସର୍ବଦା ଗୁରୁତ୍ୱ ପ୍ରଦାନ କରାଯାଇଥାଏ । ଏହି ସୁରକ୍ଷା ସାରଥୀ କାର୍ଯ୍ୟକ୍ରମ ସମସ୍ତଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଆମ ସହଭାଗିମାନଙ୍କ ନିରାପତା ଆମ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଆମେ ନିଜର କାର୍ଯ୍ୟରେ ତଥା ବାହାରେ ସୁରକ୍ଷାମାନକୁ ବଢାଇବା ଲାଗି ଅନୁରୂପ ପଦକ୍ଷେପ ନେବାକୁ ଯୋଜନା କରୁଛୁ ।
କଂପାନିର ପ୍ରୟାସକୁ ପ୍ରଶଂସା କରି ଦିନବନ୍ଧୁ ଶୁଣ୍ଢି, ସଡ଼କ ପରିବହନ ଅଧିକାରୀ, ଝାରସୁଗୁଡ଼ା କହିଥିଲେ ଯେ ଜିଲ୍ଲା ପ୍ରଶାସନ ଓ ବେଦାନ୍ତ ଆଲୁମିନିୟମ ସହଯୋଗରେ ଏହି କାର୍ଯ୍ୟକ୍ରମ ବାସ୍ତବିକ ପ୍ରଶଂସନୀୟ । ଏହିପରି ସହଯୋଗ ଓ ମିଳିତ ଉଦ୍ୟମ ଦ୍ୱାରା ଆମେ ଝାରସଗୁଡ଼ାକୁ ଦୁର୍ଘଟଣାମୁକ୍ତ କରିପାରିବା । ମୁଁ ବେଦାନ୍ତକୁ ଧନ୍ୟବାଦ ଜଣାଉଛି ।
ବେଦାନ୍ତ ଆଲୁମିନିୟମ୍ ଏହାର ନିରାପତା କେନ୍ଦ୍ରିକ ସଂସ୍କୃତିକୁ ମଜବୁତ କରିବା ପାଇଁ ଅନେକ ପଦକ୍ଷେପ ଏଥିରେ ଅନ୍ତର୍ଭୁକ୍ତ କରିଛି ଯଥା:
• ସଙ୍କଳ୍ପ, ବେଦାନ୍ତ ଆଲୁମିନିୟମ ଦ୍ୱାରା ଏହାର ସମସ୍ତ କାର୍ଯ୍ୟପରିସରରେ କାର୍ଯ୍ୟକାରୀ ହୋଇଥିବା ସୁରକ୍ଷା ସଂସ୍କୃତି ପରିବର୍ତନ କାର୍ଯ୍ୟକ୍ରମ ଅଟେ ।
• ବର୍ଦ୍ଧିତ ଏବଂ ଭର୍ଚୁଆଲ୍ ରିଅଲିଟି ଟ୍ରେନିଂ ସେଂଟର ସୁରକ୍ଷା ତାଲିମକୁ ବଢାଇଥାଏ ଏବଂ ଏକ ଇମର୍ସିଭ୍ ଏବଂ ଆକର୍ଷଣୀୟ ଅନୁଭୂତି ପ୍ରଦାନ କରେ ।
• ମେସିନ୍ ଏବଂ ଉତ୍ପାଦନ ଏକଜେକ୍ୟୁଶନ୍ ସିଷ୍ଟମ୍ ସହିତ ମନୁଷ୍ୟର ପାରସ୍ପରିକ କ୍ରିୟାକୁ କମ୍ କରିବା ପାଇଁ ଅପରେସନ୍ ଏବଂ ପ୍ରକ୍ରିୟାଗୁଡ଼ିକର ବ୍ୟାପକ ଡିଜିଟାଲାଇଜେସନ୍, ମୋବାଇଲ୍ ପ୍ରୟୋଗ ମାଧ୍ୟମରେ ସୁଦୂର ନିଷ୍ପତି ନେବାକୁ ଅନୁମତି ଦେଇ ଜଟିଳ ପ୍ଲଂଟ କାର୍ୟ୍ୟର ୩୬୦-ଡ଼ିଗ୍ରୀ ଦୃଶ୍ୟତାକୁ ଶୁନିଶ୍ଚିତ କରିଥାଏ ।
• ଭିଡିଓ ଆନାଲିଟିକ୍ସ ଦ୍ୱାରା ଅଗ୍ନି ଘଟଣାର ତୁରନ୍ତ ଚିହ୍ନଟ ଏବଂ କର୍ମଚାରୀଙ୍କ ସୁରକ୍ଷା ମାନାଙ୍କ ଉପରେ ନଜର ରଖିବା, ନିରନ୍ତର ପ୍ଲାଂଟ ନିରାପତା ନିଶ୍ଚିତ କରାଯାଇଥାଏ ।
• ଏକ ସର୍ବ-ମହିଳା ଅଗ୍ନି-ଯୁଦ୍ଧ ଦଳ ‘ଅଗ୍ନିଭାହିନି’ ଝ।।ରସୁଗୁଡା, ଯେଉଁମାନେ ଜରୁରୀକାଳୀନ ପରିସ୍ଥିତିରେ ଦକ୍ଷ ଏବଂ ପ୍ରଭାବଶାଳୀ ଭାବରେ କାର୍ଯ୍ୟ କରିବାକୁ ତାଲିମପ୍ରାପ୍ତ, ସ୍ଥାନୀୟ ପ୍ରଶାସନ ଏବଂ ସମ୍ପ୍ରଦାୟକୁ ଅଫ୍ ସାଇଟ୍ ପ୍ରତିକ୍ରିୟା ସହାୟତା ପ୍ରଦାନ କରନ୍ତି ।
• ନିରାପତା ଷ୍ଟାଣ୍ଡ ଡାଉନ୍, ଏକ କାର୍ଯ୍ୟକ୍ରମ ଯେଉଁଥିରେ ନେତୃତ୍ୱ ଦଳ କର୍ମଚାରୀ ଏବଂ ବ୍ୟବସାୟ ସହଭାଗୀମାନଙ୍କ ସହିତ ସ୍ୱାସ୍ଥ୍ୟ, ନିରାପତା ଏବଂ ପରିବେଶର ବିଭିନ୍ନ ଦିଗରେ ଏକ ନିରାପତା-ପ୍ରଥମ ସଂସ୍କୃତି ଗଠନ ପାଇଁ ଜଡିତ ହୁଅନ୍ତି ।
• ଜାତୀୟ ବିପର୍ଯ୍ୟୟ ହ୍ରାସ ବଳ ଏବଂ ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣଙ୍କ ସହଯୋଗରେ ଆୟୋଜିତ ନିୟମିତ ମକ୍ ଡ୍ରିଲ୍ସ ଏବଂ ସୁରକ୍ଷା ସଚେତନତା ଅଧିବେଶନ ଆୟୋଜିତ ହୋଇଥାଏ ।
• କମ୍ପାନୀର କର୍ମଚାରୀ ସ୍ୱେଚ୍ଛାସେବୀମାନଙ୍କ ଦ୍ୱାରା ବିଦ୍ୟାଳୟର ଛାତ୍ର ଏବଂ ସମ୍ପ୍ରଦାୟର ସଦସ୍ୟମାନଙ୍କ ପାଇଁ ଅଗ୍ନି, ବୈଦ୍ୟୁତିକ ଏବଂ ଘରୋଇ ସୁରକ୍ଷା ତାଲିମ ଅଧିବେଶନ ଆୟୋଜିତ ହୋଇଥାଏ । ।
ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୩ ରେ ୨.୨୯ ନିୟୁତ ଟନ୍ ଆଲୁମିନିୟମ ଉତ୍ପାଦନ କରିଥିବା ସଂସ୍ଥା । ବେଦାନ୍ତ ଆଲୁମିନିୟମ ଏସଆଣ୍ଡପି ଗ୍ଲୋବାଲ କର୍ପୋରେଟ ସସଟାନବିଲିଟି ଆସସମେଂଟ ୨୦୨୩ରେ ଆଲୁମିନିୟମ ଉଦ୍ୟୋଗ ପାଇଁ ପ୍ରଥମ ର୍ୟାଙ୍କ ଧାରୀ ଆଖ୍ୟା ଅର୍ଜନ କରିଛି ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା । ବେଦାନ୍ତର ବିଶ୍ୱ ଶ୍ରେଣୀୟ ଆଲୁମିନିୟମ ସ୍ମେଲଟର, ଆଲୁମିନିୟମ ରିଫାଇନାରୀ ଓ ପାୱାରପ୍ଲାଂଟର ଅତ୍ୟାଧୁନିକ ସୁବିଧା, ଦକ୍ଷ ଇଂଜିନିୟରିଂ ଶକ୍ତିକୁ ନେଇ ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।
