ସୁନ୍ଦରଗଡ : ଗୋଠଛଡା ଦନ୍ତା ଉପଦ୍ରବ । ସୁନ୍ଦରଗଡ ଜିଲ୍ଲା ବଣାଇ ବନଖଣ୍ଡର ବଣେଇ ଓ କୋଇଡା ରେଞ୍ଜରେ ୨ଟି ଗୋଠଛଡା ଦନ୍ତାହାତୀଙ୍କ ଆତଙ୍କ ଖେଳାଇଛନ୍ତି । ହାତୀ ଦୁଇଟି ଦିନ ବେଳେ ଜଙ୍ଗଲରେ ରହୁଥିବା ବେଳେ ରାତି ହେଲେ ଗାଁରେ ପଶି ଘର ଭାଙ୍ଗିବା ସହ ଧାନ ଚାଉଳ ଓ ପନିପରିବା ନଷ୍ଟ କରୁଥିବା ଅଭିଯୋଗ କରିଛନ୍ତି ଗ୍ରାମବାସୀ । ହାତୀ ଭୟରେ ରାତି ଅନିଦ୍ରା ରହୁଛନ୍ତି ଗ୍ରାମବାସୀ । ଗାଁରୁ ହାତୀଙ୍କୁ ଘଉଡାଇବାକୁ ଉଦ୍ୟମ ଜାରି ରହିଛି ।
ଉଜୁଡ଼ୁଛି ବନ୍ୟ ବନ୍ୟଜନ୍ତୁଙ୍କ ଆବାସ । ଜନବସତି ମୁହାଁ ହେଉଛନ୍ତି ହାତୀ । କେଉଁଠି ରାଜରାସ୍ତାରେ ତ କେଉଁଠି ବଜାର ଭିତରେ ବୁଲୁଛି ହାତୀ । କଟକ ଜିଲ୍ଲା ବାଙ୍କୀ ଉପଖଣ୍ଡ ଡମପଡ଼ା ବଜାରରେ ବୁଲିଲା ଦନ୍ତା । ଏଣେ ସୁନ୍ଦରଗଡ ବଣାଇ ଅଞ୍ଚଳରେ ଗୋଠଛଡା ଦନ୍ତାର ଉତ୍ପାତ । ଦୀର୍ଘ ଦିନ ଉତ୍ପାତ ଚଳାଇଛି ଦନ୍ତା ।
କେତେବେଳେ ରାଜରାସ୍ତାରେ ବୁଲୁଛି ତ କେତେବେଳେ ଗାଁରେ ପଶି ଭଙ୍ଗାରୁଜା କରୁଛି । ଗତକାଲି ରାତିରେ ୧୪୩ ନମ୍ବର ଜାତୀୟ ରାଜପଥ ଗୋବିନ୍ଦପୁର, ଦରେଇକଳା ନିକଟ ଦେଇ ଯିବା ବେଳେ, କିଛି ସମୟ ପାଇଁ ଗାଡ଼ିମୋଟର ଚଳାଚଳ ବନ୍ଦ ହୋଇ ଯାଇଥିଲା । ଗତ କିଛି ଦିନ ହେଲା ଥରକୁ ଥର ଜଙ୍ଗଲ ଭିତରକୁ ଯାଇ ପୁଣି ଜନବସତିକୁ ଫେରୁଛି ହାତୀ ।
