ଶ୍ରୀନଗର: ୧୦ ବର୍ଷ ପରେ ଜମ୍ମୁକଶ୍ମୀରରେ ବିଧାନସଭା ନିର୍ବାଚନ ଅନୁଷ୍ଠିତ ହେଉଛି। ଆଉ ମତଦାନ ପାଇଁ ଭୋଟରଙ୍କ ମଧ୍ୟରେ ବହୁତ ଉତ୍ସାହ ଦେଖିବାକୁ ମିଳିଥିଲା | ପ୍ରଥମ ପର୍ଯ୍ୟାୟ ପାଇଁ ୨୪ଟି ଆସନରେ ମତଦାନ ଶେଷ ହୋଇଛି। ମତଦାନ ପାଇଁ ସକାଳୁ ମତଦାନ ବୁଥରେ ଲୋକଙ୍କ ଗହଳି ଦେଖିବାକୁ ମିଳିଥିଲା । ଜମ୍ମୁକଶ୍ମୀରରେ ଅପରାହ୍ନ ୫ଟା ସୁଦ୍ଧା ୫୮.୧୯ ପ୍ରତିଶତ ଭୋଟ୍ ରେକର୍ଡ ହୋଇଥିଲା | କିଶତବାଡ଼ରେ ସର୍ବାଧିକ ମତଦାନ ହୋଇଥିବାବେଳେ ଶୋପିଆନରେ ସବୁଠାରୁ କମ ମତଦାନ ହୋଇଛି | ୨୪ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ୍ ହୋଇଛି |
ସୂଚନା ଥାଉ କି ଯେ ଜାମ୍ମୁ କାଶ୍ମୀରରେ ଧାରା ୩୭୦ ହଟାଯିବା ପରେ ପ୍ରଥମ ଥର ପାଇଁ ବିଧାନସଭା ନିର୍ବାଚନ ଅନୁଷ୍ଠିତ ହେଉଛି। ରାଜନୈତିକ ଦଳ ତଥା ଭୋଟରଙ୍କ ମଧ୍ୟରେ ନିର୍ବାଚନ ପାଇଁ ବହୁତ ଉତ୍ସାହ ରହିଛି | ପ୍ରଥମ ପର୍ଯ୍ୟାୟ ମତଦାନ ଶେଷ ହୋଇଛି। ଦ୍ୱିତୀୟ ପର୍ଯ୍ୟାୟ ନିର୍ବାଚନ ସେପ୍ଟେମ୍ବର ୨୫ରେ ଅନୁଷ୍ଠିତ ହେବ। ତୃତୀୟ ପର୍ଯ୍ୟାୟ ନିର୍ବାଚନ ଅକ୍ଟୋବର ୧ରେ ହେବ |
ଉଲ୍ଲେଖ ଥାଉ କି ଆଜି ମତଦାନ ହୋଇଥିବା ୨୪ଟି ଆସନ ମଧ୍ୟରୁ ୮ଟି ଆସନ ଜମ୍ମୁ ଅଞ୍ଚଳର ୩ଟି ଜିଲ୍ଲାରେ ଥିବାବେଳେ ୧୬ଟି ଆସନ କଶ୍ମୀରର ୪ଟି ଜିଲ୍ଲାରେ ଅବସ୍ଥିତ। ପ୍ରଥମ ପର୍ଯ୍ୟାୟରେ ମୋଟ୍ ୨୩,୨୭,୫୮୦ ଜଣ ଭୋଟର ଥିବାବେଳେ ସେମାନଙ୍କ ମଧ୍ୟରେ ୧୧,୭୬,୪୬୨ ପୁରୁଷ ଥିବାବେଳେ ୧୧,୫୧,୦୫୮ ଜଣ ମହିଳା ଭୋଟର ଏବଂ ୬୦ ଜଣ ତୃତୀୟ ଲିଙ୍ଗୀ ଭୋଟର ଅଛନ୍ତି।
