ପୁଣି ପଶ୍ଚିମବଙ୍ଗରେ ହିଂସା ଦେଖିବାକୁ ମିଳିଛି । ପଶ୍ଚିମବଙ୍ଗରେ ବିଭିନ୍ନ ସମୟରେ ରାମନବମୀ ଶୋଭାଯାତ୍ରାରେ ଦଙ୍ଗା ହେବା ସହ ହିଂସା ଦେଖିବାକୁି ମିଳେ । ଏବେ ପୁଣି ପଶ୍ମିମବଙ୍ଗ ମୁର୍ଶିଦାବାଦରେ ଏଭଳି ଘଟଣା ସାମ୍ନାକୁ ଆସିଛି । ବୁଧବାର ସନ୍ଧ୍ୟାରେ ମୁର୍ଶିଦାବାଦ ଜିଲ୍ଲାର ରେଜିନଗର ଶକ୍ତିପୁର ଅଞ୍ଚଳରେ ରାମ ନବମୀ ଶୋଭାଯାତ୍ରାରେ ସଂଘର୍ଷ ଓ ହିଂସା କରାଯାଇଛି । ଯେଉଁଥରେ କିଛି ଲୋକ ଆହତ ମଧ୍ୟ ହୋଇଛନ୍ତି । ଅଭିଯୋଗ ଅନୁଯାୟୀ ରାମ ନବମୀ ଶୋଭାଯାତ୍ରା ଯାଉଥିବା ବେଳେ କିଛି ଲୋକ ଛାତ ଉପରେ ରହି ପଥର ମାଡ କରିଥିଲେ । ପରିସ୍ଥିତି ଉତ୍ତୋଜନା ପରେ ପୋଲିସ ଲାଠି ଚାର୍ଜ କରିବା ଆରମ୍ଭ କରିଥିଲା ।
ସେପଟେ ବିଜେପି ଅଭିଯୋଗ କରିଛି ପଶ୍ମିମବଙ୍ଗରେ ଏଭଳି କାମ ହେବା କିଛି ନୁଆ କଥା ନୁହେଁ । ପ୍ରତିବର୍ଷ ରାମ ନବମୀରେ ଜାଣିଶୁଣି ଏଭଳି କିଛି ଲୋକ ଦଙ୍ଗା ସୃଷ୍ଟି କରିଥାନ୍ତି । ଯାହା ବର୍ତ୍ତମାନ ଦଙ୍ଗା ସୃଷ୍ଟି କରୁଥିବା ଲୋକମାନଙ୍କ ପାଇଁ ନୁଆ କଥା ନୁହେଁ । ହିନ୍ଦୁଙ୍କୁ ସ୍ୱତନ୍ତ୍ର ଭାବେ ଜାଣିଶୁଣି ଆକ୍ରମଣ କରାଯାଇଥାଏ । ସେପଟେ କିିଛିି ଦିନ ଆଗରୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଘୋଷଣା କରିଥିଲେ ରାମ ନବମୀ ଦିନ କୈାଣସି ଦଙ୍ଗା ସୃଷ୍ଟି ନକରିବା ପାଇଁ କିନ୍ତୁ ଏବେ ଏହି ଘଟଣା ସାମ୍ନାକୁ ଆସିଛି ।
