ଭୁବନେଶ୍ୱର : ଯାହା ନିଷ୍ପତ୍ତି ନେବା କଥା ସରକାର ନେବେ । ସରକାର ସେ ନେଇ ଚିନ୍ତା କରୁଛନ୍ତି। ବିଏମସି ଅତିରିକ୍ତ କମିଶନରଙ୍କୁ ଘୋଷାଡ଼ି ଘୋଷାଡ଼ି ମାଡ଼ ମାରିବା ମାମଲାରେ ଜଗନ୍ନାଥ ପ୍ରଧାନଙ୍କ ସହ ଆଲୋଚନା ପରେ ଏହା କହିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ରାଜ୍ୟ ବିଜେପି କାର୍ଯ୍ୟାଳୟରେ ଦୀର୍ଘ ସମୟ ଧରି ଜଗନ୍ନାଥଙ୍କ ସହ ଆଲୋଚନା କରିଥିଲେ ମନମୋହନ ସାମଲ । ଏକାଧିକ ବିଧାୟକ ମଧ୍ୟ ଉପସ୍ଥିତ ଥିଲେ । ସଂସଦ ପ୍ରତାପ ଷଡ଼ଙ୍ଗୀ ମଧ୍ୟ ଉପସ୍ଥିତ ଥିଲେ ।
ଜଗନ୍ନାଥ ପ୍ରଧାନ ଇସ୍ତଫା ଦେବା ନେଇ ଚ୍ଚର୍ଚ୍ଚା ହେଉଥିଲା । ତେବେ ଆଲୋଚନା ପରେ ମନମୋହନ କହିଛନ୍ତି, ଜଗା ପ୍ରଧାନଙ୍କ ସହ ଆଲୋଚନା ଦଳର ଆଭ୍ୟନ୍ତରୀଣ ବ୍ୟାପାର । ଦଳର ଆଭ୍ୟନ୍ତରୀଣ ବ୍ୟାପାର ନେଇ ଗଣମାଧ୍ୟମକୁ କୁହାଯାଇ ପାରିବ ନାହିଁ । ଯାହା ଘଟିଥିଲା ତାକୁ ସମସ୍ତେ ନିନ୍ଦା କରି ସାରିଛନ୍ତି ।
ଯାହା ନିଷ୍ପତ୍ତି ନେବା କଥା ସରକାର ନେବେ । ଯଦି କିଛି ନିଷ୍ପତ୍ତି ହୁଏ ଆମ ଦଳୀୟ ମୁଖପାତ୍ର ଗଣମାଧ୍ୟମକୁ ଜଣାଇ ଦେବେ ବୋଲି କହିଛନ୍ତି ମନମୋହନ । ଜଗନ୍ନାଥ ପ୍ରଧାନ କହିଛନ୍ତି, ରାଜ୍ୟ ସଭାପତି ଡାକିଥିଲେ । ଯାହା ଆଲୋଚନା ହେବା କଥା ହେଲା । ଦୀର୍ଘ ୪ ଘଣ୍ଟା ଧରି ଆଲୋଚନା ହୋଇଥିଲା ।
