ଆଇପିଏଲର ୨୨ତମ ମ୍ୟାଚରେ ମୁହାଁମୁହିଁ ହୋଇଛନ୍ତି ଚେନ୍ନାଇ ସୁପର କିଙ୍ଗସ ଏବଂ କୋଲକାତା ନାଇଟ ରାଇଡର୍ସ । ପ୍ରଥମେ ବୋଲିଂ କରି ଚେନ୍ନାଇ କୋଲକାତାକୁ ୧୩୭ ରନରେ ରୋକିବାରେ ସଫଳ ହୋଇଛି । ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ଏବଂ ତୁଷାର ଦେଶପାଣ୍ଡେଙ୍କ ଦମଦାର ବୋଲିଂରେ କୋଲକାତା ୯ ୱିକେଟ ହରାଇ ୧୩୮ ରନର ଟାର୍ଗେଟ ଦେଇଛି । ତେବେ ଏହି ମ୍ୟାଚରେ ୩ଟି ୱିକେଟ ବ୍ୟତୀତ ଆଉ ଏକ ରେକର୍ଡ କରିଛନ୍ତି ଜାଡେଜା । ଚେନ୍ନାଇ ଜର୍ସିରେ ଏକ ସ୍ପେଶାଲ ‘ଶତକ’ ହାସଲ କରିଛନ୍ତି ସାର୍ ରବିନ୍ଦ୍ର ଜାଡେଜା ।
🚨 Milestone Alert 🚨
A special 💯!
Ravindra Jadeja completes 100 IPL catches 👏👏
Follow the Match ▶ https://t.co/5lVdJVscV0 #TATAIPL | #CSKvKKR | @imjadeja pic.twitter.com/YZ7uQJUvh6
— IndianPremierLeague (@IPL) April 8, 2024
କୋଲକାତା ନାଇଟ ରାଇଡର୍ସ ଅଧିନାୟକ ଶ୍ରେୟସ ଆୟରଙ୍କ ୱିକେଟରେ ଜାଡେଜା ଶତକ ହାସଲ କରିଛନ୍ତି । ପ୍ରଥମ ଇନିଂସରେ ଶେଷ ଓଭରର ପ୍ରଥମ ବଲରେ ମୁସ୍ତାଫିଜୁରଙ୍କ ବଲରେ ବଡ଼ ଶଟ୍ ଖେଳି ଆଉଟ ହୋଇଛନ୍ତି ଶ୍ରେୟସ । ମୁସ୍ତାଫିଜୁରଙ୍କ ବଲରେ ବଡ଼ ଶଟ୍ ଖେଳିଥିବା ବେଳେ ଜାଡେଜାଙ୍କ ହାତରେ ସେ ଧରା ପଡ଼ିଥିଲେ । ତେବେ ଶ୍ରେୟସଙ୍କ ଏହି କ୍ୟାଚ ଧରିବା ମାତ୍ରେ ଜାଡେଜା ଏକ ବିଶାଳ ରେକର୍ଡ ନିଜ ନାମରେ କରିଛନ୍ତି । ଶ୍ରେୟସଙ୍କ କ୍ୟାଚରେ ଆଇପିଏଲ ଇତିହାସର ୧୦୦ତମ କ୍ୟାଚ ନିଜ ନାମରେ କରିଛନ୍ତି ରବିନ୍ଦ୍ର ଜାଡେଜା । ଏହାସହିତ ସର୍ବାଧିକ କ୍ୟାଚ ଧରିବା ତାଲିକାରେ ରୋହିତ ଶର୍ମାଙ୍କ ସହ ସମକକ୍ଷ ଭାବରେ ପଞ୍ଚମ ସ୍ଥାନ ହାସଲ କରିଛନ୍ତି ଷ୍ଟାର ଅଲରାଉଣ୍ଡର ।
