ବରାଙ୍ଗ: ନନ୍ଦନକାନନକୁ ନୂଆ ବର୍ଷ ଭେଟି । ମା ହେଲା ବାଘୁଣୀ ଜୟଶ୍ରୀ । ପ୍ରାଣୀଉଦ୍ୟାନ ନନ୍ଦନକାନନର ବାଘୁଣୀ ଜୟଶ୍ରୀ ଗତକାଲି ୩ ଟି ଶାବକ ଜନ୍ମ ଦେଇଛି । ଦୁଇଟି ଶାବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଶାବକକୁ ମା ଗ୍ରହଣ କରିନାହିଁ । ଫଳରେ ଜୀବିତ ଥିବା ଶାବକକୁ ଶିଶୁ ଲାଳନ ପାଳନ କେନ୍ଦ୍ରରେ ରଖାଯାଇ ଯତ୍ନ ନିଆଯାଉଛି ।ଅପ୍ରାପ୍ତ ବୟସରେ ବାଘୁଣୀ ମା ହେବାରୁ ସେ ସଠିକ୍ ଭାବେ ଶାବକଙ୍କ ଯତ୍ନ ନେଇ ପାରିନି,ଏଥିସହ ଶାବକଙ୍କୁ ସ୍ତନ୍ୟପାନ ମଧ୍ଯ କରାଇ ପାରିନାହିଁ । ଯାହା ଫଳରେ ପ୍ରଥମ ଦୁଇଟି ଶାବକଙ୍କ ମୃତ୍ୟୁ ଘଟିଛି । ଅନ୍ୟ ଶାବକକୁ ମଧ୍ୟ ମା ଗ୍ରହଣ କରିନଥିଲା ଏବଂ ସ୍ତନ୍ୟପାନ କରାଇନଥିଲା ।
ନନ୍ଦନକାନନ କର୍ତ୍ତୁପକ୍ଷଙ୍କ ନିର୍ଦ୍ଧେଶ କ୍ରମେ ଜୀବିତ ଶାବକକୁ ଶିଶୁ ଲାଳନ ପାଳନ କେନ୍ଦ୍ରରେ ରଖାଯାଇଛି । ନନ୍ଦନକାନନ ପ୍ରାଣୀ ଉଦ୍ୟାନରେ ଏହା ଏକ ବିରଳ ଘଟଣା ବୋଲି କୁହଯାଉଛ । ମାତ୍ର ୩୪ ମାସ ବୟସରେ ମା’ ହୋଇଛି ବାଘୁଣୀ ଜୟଶ୍ରୀ । ବର୍ତମାନ ନନ୍ଦନକାନନରେ ବାଘ ସଂଖ୍ୟା ୨୯କୁ ବୃଦ୍ଧି ପାଇଛି ।
