ଅତିରିକ୍ତ ଏସପିଙ୍କ ଗାଡ଼ି ଦୁର୍ଘଟଣାଗ୍ରସ୍ତ , ୪ ଆହତ

ଭଞ୍ଜନଗର : ଭଞ୍ଜନଗର ଥାନା ଶାଳୁଆପଲ୍ଲୀ ନିକଟରେ ଅତିରିକ୍ତ ଏସପିଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି । ଗଛରେ ପିଟିହୋଇ ଓଲଟି ପଡ଼ିଲା ଏସପି ରଞ୍ଜନ କୁମାର ଦେଙ୍କ ଗାଡ଼ି । ଏଥିରେ ଅତିରିକ୍ତ ଏସପିଙ୍କ ସମେତ ଶାଶୁ,ସ୍ତ୍ରୀ, ଏବଂ ଡ୍ରାଇଭର ଆହତ ହୋଇଛନ୍ତି । ସ୍ଥାନୀୟବାସିନ୍ଦା ସମସ୍ତଙ୍କୁ ଉଦ୍ଧାର କରି ଭଞ୍ଜନଗର ମେଡିକାଲ ପଠାଇଥିଲେ । ପରେ ସମସ୍ତ ଆହତଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । କୌଣସି କାମରେ ନିଜ ପୈତୃକ ଘର ବାଲେଶ୍ଵର ଯାଇ ଭଞ୍ଜନଗର ଫେରୁଥିବା ସମୟରେ ଏହି ଦୁର୍ଘଟଣା ଘଟିଛି ।