ଭଦ୍ରକ: ଅଫିସରେ କାମ କରୁଥିବା ସମୟରେ ଡ଼ିଏଫଓଙ୍କ ମୃତ୍ୟୁ । ହୃଦଘାତରେ କାର୍ଯ୍ୟରତ ଡ଼ିଏଫଓଙ୍କ ମୃତ୍ୟୁ । ଭଦ୍ରକ ଜିଲ୍ଲା ଚାନ୍ଦବାଲିରେ କାର୍ଯ୍ୟରତ ଭଦ୍ରକ ବନ୍ୟପ୍ରାଣୀ ବନଖଣ୍ଡ ଅଧିକାରୀ ସୌଭାଗ୍ୟ ରଞ୍ଜନ ସାହୁଙ୍କ ହୃଦଘାତରେ ମୃତ୍ୟୁ ହୋଇଥିବା ଜଣାପଡ଼ିଛି । ତାଙ୍କ ଘର କେନ୍ଦ୍ରାପଡ଼ା ଜିଲ୍ଲା ରାଜକନିକା ବାରୁଣାଡିଆ ବୋଲି ଜଣାପଡ଼ିଛି । ମୃତ୍ୟୁ ବେଳକୁ ତାଙ୍କୁ ୫୯ ବର୍ଷ ହୋଇଥିଲା । ଭଦ୍ରଜ ଡିଏଫଓ ଭାବେ ସେ କାର୍ଯ୍ୟରତ ଥିଲେ ।
ସେହିପରି ଜାନୁୟାରୀ ମାସରେ ସାଲେପୁରରେ ହୃଦଘାତରେ ଆଖି ବୁଜିଥିଲେ ବୀର ଯବାନ ସୀତାକାନ୍ତ ଦାସ । ଛୁଟି ନେଇ କିଛି ଦିନ ପାଇଁ ଘରକୁ ଆସିଥିଲେ । ଫେବୃଆରୀ ୨ରେ କାର୍ଯ୍ୟରେ ଯୋଗ ଦେଇଥାନ୍ତେ । ହେଲେ ଦଇବ ସାଜିଲା ଦାଉ । ହଠାତ ବୁଧୁବାର ଦିନ ସେ ଗାଧୋଉଥିବା ବେଳେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ପରିବାର ଲୋକେ ତାଙ୍କୁ ମେଡିକାଲକୁ ନେଇଯାଇଥିଲେ ସତ ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା ।
