ଅଫିସ୍ ବିଲଡିଂରେ ଭୟଙ୍କର ନିଆଁ । ୨୦ ଜଣଙ୍କର ମୃତ୍ୟୁ । ବର୍ଷର ଶେଷ ସମୟରେ ଘଟିଛି ଆଉ ଗୋଟିଏ ଅଘଟଣ । ଇଣ୍ଡୋନେସିଆ ରାଜଧାନୀ ଜାକର୍ତ୍ତା ଠାରେ ଥିବା ଏକ ସାତ ମହଲା କୋଠାରେ ନିଆଁ ଲାଗି ଏଭଳି ଅଘଟଣ ଘଟିଛି । ତେବେ ନିଆଁ ଲାଗିବାର ସଠିକ୍ କାରଣ ଜଣାପଡ଼ି ନାହିଁ । ମୃତ୍ୟୁ ସଂଖ୍ୟା ଆହୁରି ବଢ଼ି ପାରେ ବୋଲି କୁହାଯାଉଛି ।
ଯାହା ସୂଚନା ମିଳିଛି, କୋଠାର ଉପର ମହଲାରେ ନିଆଁ ଲାଗି ଏହା ତଳକୁ ବ୍ୟାପି ଯାଇଥିଲା । ନିଆଁ ଲାଗିବା ପରେ କିଛି ଲୋକ ଭୟରେ ଝରକା ଦେଇ ତଳକୁ ଡେଇଁ ପଡ଼ିଥିଲେ । ଫଳରେ ସେମାନଙ୍କର ମୃତ୍ୟୁ ହୋଇଥିଲା । ସେହିଭଳି ଅନେକ ଲୋକ ଆହତ ମଧ୍ୟ ହୋଇଛନ୍ତି । ଖବର ପାଇ ଅଗ୍ନିଶମ ବିଭାଗ ପହଞ୍ଚି ବହୁ କଷ୍ଟରେ ନିଆଁକୁ ଆୟତ୍ତ କରିଥିଲେ ।
