ନୂଆଦିଲ୍ଲୀ : କିଛି ଦିନ ହେବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଦେଶ ଗସ୍ତ କରିଥିଲେ। ସେଠାରେ ତାଙ୍କର ଭବ୍ଯ ସ୍ବାଗତ କରାଯାଇଥିଲା। ଯାହାର ଚର୍ଚ୍ଚା ଦେଶ ସାରା କରାଯାଉଥିଲା।ତେବେ କାହିଁକି ସେ ବିଦେଶ ଗସ୍ତ କରିଥିଲେ ଆସନ୍ତୁ ଜାଣିବା ? ନଭେମ୍ବର ୨୧ ରୁ ୨୩ ପର୍ଯ୍ୟନ୍ତ ଜୋହାନ୍ସବର୍ଗରେ ଅନୁଷ୍ଠିତ G20 ଶିଖର ସମ୍ମିଳନୀରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଦେଶ ଗସ୍ତ କରିଥିଲେ। ଏଠାରେ ସେ ଭାଷଣ ଦେବା ବେଳେ କହିଥିଲେ ଯେ ବିଶ୍ୱ ନେତାମାନଙ୍କ ସହ ତାଙ୍କର ଫଳପ୍ରଦ ବୈଠକ ଭାରତର ଦ୍ୱିପାକ୍ଷିକ ସମ୍ପର୍କକୁ ଆହୁରି ମଜବୁତ କରିବ। ମୋଦୀ ଦକ୍ଷିଣ ଆଫ୍ରିକାର ଜନସାଧାରଣ, ରାଷ୍ଟ୍ରପତି ସିରିଲ୍ ରାମାଫୋସା ଏବଂ ଦକ୍ଷିଣ ଆଫ୍ରିକା ସରକାରଙ୍କ ପ୍ରତି ମଧ୍ୟ କୃତଜ୍ଞତା ପ୍ରକାଶ କରିଥିଲେ ଅନ୍ତିମ ଦିନ ବୈଠକ ସମୟରେ, ଏହା ପରେ ସେ ସେଠାରୁ ଫେରି ଆସିଥିଲେ। ଦକ୍ଷିଣ ଆଫ୍ରିକା ଗସ୍ତରରୁ ଫେରିଲେଣି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଦକ୍ଷିଣ ଆଫ୍ରିକାର ଜୋହାନ୍ସବର୍ଗରୁ ଦିଲ୍ଲୀରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଜି-20 ସମ୍ମିଳନୀରେ ଯୋଗଦେବା ପାଇଁ ସେ ବିଦେଶ ଗସ୍ତ କରିଥିଲେ। ସେଠାରେ AI ଠାରୁ ଆରମ୍ଭ କରି ଅନେକ ପ୍ରଯୁକ୍ତିବିଦ୍ଯା ଓ ଜ୍ଞାନକୌଶଳ ସମତେ ବିଭିନ୍ନ ଦେଶର ମୁଖିଆଙ୍କ ସହ ଆଲୋଚନା କରିଥିଲେ।
ଦକ୍ଷିଣ ଆଫ୍ରିକାର ଜୋହାନ୍ସବର୍ଗରେ ଅନୁଷ୍ଠିତ G-20 ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଟାଲୀ ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନିଙ୍କ ସହ ଏକ ଦ୍ୱିପାକ୍ଷିକ ବୈଠକ କରିଥିଲେ। ଏହାସହ ଜାପାନ ପ୍ରଧାନମନ୍ତ୍ରୀ ସାନାଏ ତାକିଇଚିଙ୍କ ସହ ମଧ୍ୟ ଦୁଇ ଦେଶଖ ସମ୍ପର୍କ ମଜବୁତ କରିବା ପାଇଁ ଆଲୋଚନା କରିଥିଲେ।
ଇଟାଲୀ ପ୍ରଧାନମନ୍ତ୍ରୀଙ୍କ ସହ ଆଲୋଚନା: ଭାରତ-ଇଟାଲୀ ରଣନୈତିକ ସହଭାଗୀତାକୁ ସୁଦୃଢ଼ କରିବା ପାଇଁ ଜୋହାନ୍ସବର୍ଗରେ G20 ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ତାଙ୍କର ଇଟାଲୀୟ ପ୍ରତିପକ୍ଷ ଜର୍ଜିଆ ମେଲୋନି ସାକ୍ଷାତ କରିଥିଲେ। ସେମାନେ ବାଣିଜ୍ୟ, ନିବେଶ, ପ୍ରଯୁକ୍ତିବିଦ୍ୟା, ଏଆଇ, ମହାକାଶ, ପ୍ରତିରକ୍ଷା ଏବଂ ସୁରକ୍ଷା କ୍ଷେତ୍ରରେ ସହଯୋଗ ବିସ୍ତାର କରିବା ଉପରେ ଆଲୋଚନା କରିଥିଲେ।
ଉଭୟ ନେତା ଆତଙ୍କବାଦର ଆର୍ଥିକ ସହାୟତା ପ୍ରତିରୋଧ ପାଇଁ ଭାରତ-ଇଟାଲୀ ମିଳିତ ପଦକ୍ଷେପ ଗ୍ରହଣ କରିବା ଦିଗରେ ଆଲୋଚନା କରାଯାଇଥିଲା, ଯାହା ଆତଙ୍କବାଦ ବିରୁଦ୍ଧରେ ସେମାନଙ୍କର ସହଭାଗୀ ପ୍ରତିବଦ୍ଧତାକୁ ପୁନଃନିର୍ଦ୍ଦିଷ୍ଟ କରିଥିଲା। ସେମାନେ ମିଳିତ ରଣନୈତିକ କାର୍ଯ୍ୟ ଯୋଜନା 2025-29 ରେ ଅଗ୍ରଗତିରେ ସନ୍ତୋଷ ପ୍ରକାଶ କରିଥିଲେ ଏବଂ ଉଭୟ ଦେଶ ପାଇଁ ଏହାର ଲାଭ ଉପରେ ଆଲୋକପାତ କରିଥିଲେ।
ମେଲୋନି ଭାରତର 2026 ଏଆଇ ଶିଖର ସମ୍ମିଳନୀକୁ ମଧ୍ୟ ଦୃଢ଼ ସମର୍ଥନ ଜଣାଇଥିଲେ। ଦ୍ୱିପାକ୍ଷିକ ବାଣିଜ୍ୟ ପ୍ରାୟ 15 ବିଲିୟନ ଆମେରିକୀୟ ଡଲାରରେ ପହଞ୍ଚିଛି, ଯେଉଁଥିରେ 2000 ପରଠାରୁ ଇଟାଲୀ 4 ବିଲିୟନ ଆମେରିକୀୟ ଡଲାର ନିବେଶ କରିଛି। ଏହି ସମ୍ମିଳନୀରେ ଅଂଶଗ୍ରହଣ କରିବା ଅତ୍ଯନ୍ତ ଗୁରୁତ୍ବପୂର୍ଣ୍ଣ କାରଣ ଏଠାରେ ହିଁ ସମସ୍ତ ଦେଶ ବଡ ବଡ ନେତା ଏକାଠି ହୁଅନ୍ତି ଓ ସେମାନଙ୍କ ସହ ବନ୍ଧୁତା ବଢାଇ ଦେଶ ଆଗକୁ ବାଣିଜ୍ଯ କାରବାର କରିପାରିବ, ଏହାବ୍ଯତୀତ ଆହୁରୀ ଅନେକ କିଛି ଲାଭ ହୋଇଥାଏ।
