ଚାରଧାମ ଯାତ୍ରା ସହିତ ଅନ୍ୟ ଦୁଇଟି ପ୍ରମୁଖ ଧାମର କପାଟ ଖୋଲିବାର ତିଥି ମଧ୍ୟ ଧାର୍ଯ୍ୟ କରାଯାଇଛି । ଏପ୍ରିଲ ୨୨ରେ କେଦାରନାଥ ଧାମର କପାଟ ଖୋଲିବ, ସେହପରି ୨୩ ଏପ୍ରିଲରେ ବଦ୍ରିନାଥ ଧାମ କପାଟ ଶ୍ରଦ୍ଧାଳୁଙ୍କ ପାଇଁ ଖୋଲି ଦିଆଯିବ । କେଦାରନାଥ ଧାମ କପାଟ ଖୋଲିବା ପାଇଁ ଶ୍ରଦ୍ଧାଳୁ ଅପେକ୍ଷା କରି ରହିଛନ୍ତି ।
ଚାରଧାମ ଯାତ୍ରା ହିନ୍ଦୁ ଧର୍ମରେ ସବୁଠାରୁ ପବିତ୍ର ଯାତ୍ରା ମଧ୍ୟରେ ଅନ୍ୟତମ । ଚାରଧାମ ଦର୍ଶନ କରିବା ଦ୍ବାରା ବ୍ୟକ୍ତିର ସମସ୍ତ ପାପ ଧୋଇଯାଏ ବୋଲି ମାନ୍ୟତା ରହିଛି । ବ୍ୟକ୍ତିକୁ ମୋକ୍ଷ ପ୍ରାପ୍ତି ମିଳିଥାଏ । ଏହି ଯାତ୍ରା କେବଳ ଆଧ୍ୟାତ୍ମିକ ଶାନ୍ତି ଦେଇଥାଏ, ଏହାସହିତ ସକାରାତ୍ମକ ଉର୍ଜା ସଂଚାର କରିଥାଏ ।
ଚାରଧାମ ଯାତ୍ରା ପାଇଁ ଅଫଲାଇନ ପଞ୍ଜିକରଣ ଆରମ୍ଭ ହୋଇଛି । ଉତ୍ତରାଖଣ୍ଡର ଚାରଧାମ ଯାତ୍ରା ପାଇଁ ଲକ୍ଷ ଲକ୍ଷ ଭକ୍ତ ପଞ୍ଜିକରଣ କରିସାରିଛନ୍ତି । ଆପଣ uttarakhandtourism.gov.in ୱେବସାଇଟରେ ଚାରିଧାମ ଯାତ୍ରା ପାଇଁ ଅନଲାଇନ ପଞ୍ଜୀକରଣ କରିପାରିବେ । ୱେବସାଇଟକୁ ଯାଆନ୍ତୁ ଏବଂ ଆପଣଙ୍କର ମୋବାଇଲ୍ ନମ୍ବର ଦେଇ ଏକ ଆକାଉଣ୍ଟ୍ ଓପନ କରନ୍ତୁ । ଓଟିପି ଯାଞ୍ଚ ପରେ, ଲଗ୍ ଇନ୍ କରନ୍ତୁ ଏବଂ ‘ପରିଦର୍ଶନ ପରିଚାଳନା କରନ୍ତୁ’ ଉପରେ କ୍ଲିକ୍ କରନ୍ତୁ ।
ଆପଣଙ୍କର ଯାତ୍ରା ତାରିଖ ଚୟନ କରନ୍ତୁ ଏବଂ ଆପଣ ଯେଉଁ ‘ଧାମ’ ପରିଦର୍ଶନ କରିବାକୁ ଚାହୁଁଛନ୍ତି ତାହା ବାଛନ୍ତୁ । ସମସ୍ତ ଆବଶ୍ୟକୀୟ ବିବରଣୀ ସହିତ ଆପଣଙ୍କର ଫଟୋଗ୍ରାଫ୍ ଅପଲୋଡ୍ କରନ୍ତୁ । ଶେଷରେ ଫର୍ମ ଦାଖଲ କରନ୍ତୁ । ତାପରେ ଆପଣ ଏକ କ୍ୟୁଆର୍ କୋଡ୍ ଏବଂ ଏକ ପାସ୍ ପାଇବେ । ଏହାକୁ ସୁରକ୍ଷିତ ରଖନ୍ତୁ କିମ୍ବା ପ୍ରିଣ୍ଟ ଆଉଟ୍ କାଢନ୍ତୁ ।
