ନୂଆଦିଲ୍ଲୀ : ଶୀତକାଳୀନ ଝଡ଼ ଚେତାବନୀ ଯୋଗୁଁ ଆମେରିକୀରେ ହଜାରରୁ ଅଧିକ ବିମାନ ବାତିଲ ହୋଇଯାଇଛି । ଆମେରିକାର ଜାତୀୟ ପାଣିପାଗ ସେବା ଗତକାଲି ଅପରାହ୍ନରେ(ଆମେରିକୀୟ ସମୟ) ଶୀତକାଳୀନ ଝଡ଼ର ଚେତାବନୀ ଜାରି କରିଛନ୍ତି । ଯେଉଁଥିପାଇଁ ଆଜି ସକାଳ ପର୍ଯ୍ୟନ୍ତ ବିମାନ ବାତିଲ ହୋଇଛି ।
ସୂଚନା ଅନୁଯାୟୀ, ଶୁକ୍ରବାର ଦିନ ପ୍ରବଳ ଶୀତକାଳୀନ ଝଡ଼ ଚେତାବନୀ ଯୋଗୁଁ ଯୁକ୍ତରାଷ୍ଟ୍ରର ବିମାନ କମ୍ପାନୀଗୁଡ଼ିକ ହଜାରରୁ ଅଧିକ ବିମାନ ବାତିଲ କରିଛନ୍ତି । ଜନ୍ ଏଫ୍ କେନେଡି ବିମାନବନ୍ଦର, ଲାଗାର୍ଡିଆ ବିମାନବନ୍ଦର ଏବଂ ଡେଟ୍ରଏଟ୍ ମେଟ୍ରୋପଲିଟାନ୍ ୱେନ୍ କାଉଣ୍ଟି ବିମାନବନ୍ଦର ଭଳି ସମ୍ଭାବ୍ୟ ପ୍ରଭାବ ଅଞ୍ଚଳର ବିମାନବନ୍ଦରଗୁଡ଼ିକରେ ମଧ୍ୟ ଅନେକ ବିମାନ ଉଡାଣରେ ବିଳମ୍ବ ହୋଇଛି । ଜେଟ୍ବ୍ଲୁ ଏୟାରୱେଜ୍ ୨୨୫ଟି , ଡେଲ୍ଟା ଏୟାର ଲାଇନ୍ସ ୧୮୬ଟି, ରିପବ୍ଲିକ୍ ଏୟାରୱେଜ୍ ୧୫୫ଟି, ଆମେରିକାନ ଏୟାରଲାଇନ୍ସ ୯୬ଟି ଏବଂ ୟୁନାଇଟେଡ୍ ଏୟାରଲାଇନ୍ସ ୮୨ଟି ଉଡ଼ାଣ ବାତିଲ କରିଛି । ଆମେରିକାନ ଏୟାରଲାଇନ୍ସ ମୁଖପାତ୍ର କହିଛନ୍ତି ଯେ କର୍ତ୍ତୁପକ୍ଷଙ୍କ ପକ୍ଷରୁ ଏକ ଯାତ୍ରା ସତର୍କତା ଜାରି କରାଯାଇଛି । ପ୍ରଭାବିତ ଯାତ୍ରୀ ମାନଙ୍କୁ ଶୁଳ୍କ ବିନା ଟିକଟ ଦିଆଯିବ ।
