ଆସନ୍ତାକାଲିଠୁ ନୂଆ ଟ୍ରାଫିକ ନିୟମ,ବୀମା ନ ଥାଇ ଗାଡ଼ି ଚଳାଉଥିଲେ ପଡିବ ଫାଇନ

ଭୁବନେଶ୍ୱର : ଆସନ୍ତାକାଲିଠୁ ରାଜ୍ୟରେ ଲାଗୁ ହେବ ନୂଆ ଟ୍ରାଫିକ ନିୟମ । ରାସ୍ତାରେ ଚାଲିପାରିବନି ବୀମା ନ ଥିବା ଗାଡ଼ି । ବୀମା ନଥିବା ଗାଡ଼ି ଗଡିଲେ କଟିବ ଚାଲାଣ । ପ୍ରଥମ ଥର ଧରା ପଡ଼ିଲେ ୧ ହଜାର ଟଙ୍କା ଜରିମାନା । ବାରମ୍ବାର ନିୟମ ଉଲଂଘନ କଲେ ୪ ହଜାର ଜରିମାନା ଦେବାକୁ ପଡିବ । ବୀମା ନ ଥିଲେ ଗାଡ଼ି ଘରେ ରଖିବାକୁ ଏସଟିଏଙ୍କ ପରାମର୍ଶ ।ରାଜ୍ୟ ସରକାର ଟ୍ରାଫିକ ବ୍ୟବସ୍ଥାକୁ କଡାକଡି କରିବା ପାଇଁ ନୂଆ ନିୟମ କରିଛନ୍ତି । ନୂଆ ନିୟମ ଅନ୍ତର୍ଗତ ଉଭୟ ଦୁଇ ଚକିଆ ଏବଂ ଚାରି ଚକିଆ ଯାନର ବୀମା ବାଧ୍ୟତାମୂଳକ ଏବଂ ବୀମା ନଥିଲେ ଗାଡି ଚାଳକଙ୍କୁ ଫାଇନ ଦେବାକୁ ପଡିବ ।