ଭୁବନେଶ୍ୱର : ଏଥର ମାଘ ମାସରେ ବାଘ ଭଳି ଶୀତ । ହାଡ଼ଭଙ୍ଗା ଜାଡ଼ରେ ଥରୁଛି ଓଡ଼ିଶା। ଚଳିତ ବର୍ଷ ପ୍ରଥମ ଥର ପାଇଁ ୨ ଡ଼ିଗ୍ରୀ ଛୁଇଁଲା ପାରଦ । ଜି.ଉଦୟଗିରିରେ ସର୍ବନିମ୍ନ ରାତ୍ରି ତାପମାତ୍ରା ୨.୫ ଡ଼ିଗ୍ରୀ ରେକର୍ଡ କରାଯାଇଛି। ସେହିପରି ସେମିଳିଗୁଡାରେ ସର୍ବନିମ୍ନ ମାତ୍ର ୩.୨ ଡ଼ିଗ୍ରୀ ରହିଛି। ରାଜଧାନୀ ତାପମାତ୍ର ୯.୪ ଡିଗ୍ରୀ ରହିଛି । ୨୦୧୩ ପରଠାରୁ ରାଜଧାନୀର ସବୁଠୁରା ଥଣ୍ଡା ଜାନୁଆରୀ ମାସ ହୋଇଛି ।
ଏହାସହ ୧୯୫୨ ପରଠାରୁ ଚଳିତ ଜାନୁଆରୀ ମାସରେ ରାଜଧାନୀରେ ତୃତୀୟ ସର୍ବନିମ୍ନ ତାପମାତ୍ରା ରେକର୍ଡ କରାଯାଇଛି । ୧୯୯୨ର ୫ ଜାନୁଆରୀରେ ୮.୬, ୨୦୦୩ ଜାନୁଆରୀ ୧୭ ତାରିଖରେ ୯ ଡିଗ୍ରୀ, ୨୦୧୨ ଜାନୁଆରୀ ୧୫ରେ ୯.୩ ଡିଗ୍ରୀ ଏବଂ ୧୯୫୨ ଜାନୁଆରୀରେ ୯.୪ ଡିଗ୍ରୀ ରେକର୍ଡ କରାଯାଇଥିଲା ।
ଆଜି ପୁଣି ସର୍ବନିମ୍ନ ତାପମାତ୍ରା ୯.୪ ରେକର୍ଡ ହୋଇଛି । ଭୁବନେଶ୍ୱର ସହ କଟକ ସହରର ମଧ୍ୟ ସର୍ବନିମ୍ନ ତାପମାତ୍ରା ୧୦ ଡିଗ୍ରୀ ତଳକୁ ଖସିଛି । ଆଜି ରାଜ୍ୟର ୨୪ଟି ସହରର ତାପମାତ୍ର ୧୦ଡିଗ୍ରୀତଳେ ରହିଛି । ଆସନ୍ତା ୪୮ ଘଣ୍ଟା ପାଇଁ ରାଜ୍ୟରେ ଶୀତଲହରୀ ଜାରି ରହିବ । ୧୧ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି କହିଛନ୍ତି ପାଣିପାଗ ବିଭାଗ ।
