ଭୁବନେଶ୍ୱର : ଶିକ୍ଷାବିତ୍, ସମାଜସେବୀ ତଥା କିଟ୍ ଓ କିସ୍ ପ୍ରତିଷ୍ଠାତା ଡ଼ ଅଚ୍ୟୁତ ସାମନ୍ତଙ୍କୁ ଅନ୍ତର୍ଜାତୀୟ ଭଲିବଲ ସଂଘ (ଏଫଆଇଭିବି) ଫାଉଣ୍ଡେସନ୍ର ସଦସ୍ୟ ଘୋଷଣା କରାଯାଇଛି । ଏଫ୍ଆଇଭିବି ସଭାପତି ଫାବିଓ ଆଜେଭେଦୋ ରବିବାର ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଏହା ଘୋଷଣା କରିଛନ୍ତି । ବିଶ୍ୱର ସର୍ବବୃହତ ଭଲିବଲ୍ ସଂଘ ହେଉଛି ଅନ୍ତର୍ଜାତୀୟ ଭଲିବଲ ସଂଘ । ଏଥିରେ ୨୨୨ ଦେଶ ସଦସ୍ୟ ରହିଛନ୍ତି । କ୍ରୀଡ଼ା ବିଶେଷ କରି ଭଲିବଲ୍କୁ ପ୍ରଚାର ପ୍ରସାର କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ସକାଶେ ବିଗତ ୮ ବର୍ଷ ଧରି ଶ୍ରୀ ସାମନ୍ତ ଏଫ୍ଆଇଭିବି ସହ କିଟ୍, କିସ୍ ଓ ଶ୍ରୀ ସାମନ୍ତଙ୍କ ବ୍ୟକ୍ତିଗତ ସୁସମ୍ପର୍କ ରହିଆସିଛି । ଏଫ୍ଆଇଭିବି ଫାଉଣ୍ଡେସନ୍ ସଦସ୍ୟ ହେବା ପରେ ଶ୍ରୀ ସାମନ୍ତ ସମଗ୍ର ବିଶ୍ୱରେ ଭଲିବଲ୍ର ପ୍ରସାର ସହ ସାମାଜିକ ଦାୟିତ୍ୱବୋଧ ଉପରେ କାର୍ଯ୍ୟ କରିବେ ।
ଅଚ୍ୟୁତ ସାମନ୍ତ ପ୍ରଥମ ଭାରତୀୟ ଭାବେ ଏଫ୍ଆଇଭିବି ଫାଉଣ୍ଡେସନ୍ର ସଦସ୍ୟ ହେବାର ଗୌରବ ଅର୍ଜନ କରିଛନ୍ତି । ଏଥିରେ ସନ୍ତୋଷ ବ୍ୟକ୍ତ କରି ଶ୍ରୀ ସାମନ୍ତ ଏଫ୍ଆଇଭିବିକୁ ନିଜର କୃତଜ୍ଞତା ଜଣାଇବା ସହ ଫାବିଓଙ୍କୁ ଧନ୍ୟବାଦ ଦେଇଛନ୍ତି । ସୂଚନାଯୋଗ୍ୟ, ଏହା ପୂର୍ବରୁ ଭାରତରେ ଭଲିବଲ୍ର ବିକାଶ ଦିଗରେ ଉଲ୍ଲେଖନୀୟ ଅବଦାନ ପାଇଁ ଏଫ୍ଆଇଭିବି ପକ୍ଷରୁ ଅଚ୍ୟୁତ ସାମନ୍ତଙ୍କୁ ଗତବର୍ଷ ଭଲିବଲ୍ର ସର୍ବୋଚ୍ଚ ସମ୍ମାନ ଗ୍ରାଣ୍ଡ କ୍ରସ୍ ସମ୍ମାନ ପର୍ତ୍ତୁଗାଲ୍ଠାରେ ପ୍ରଦାନ କରାଯାଇଥିଲା ।
