ନୂଆଦିଲ୍ଲୀ : ଇଣ୍ଡିଗୋ ବିଭ୍ରାଟ ପରେ କେନ୍ଦ୍ର ସରକାରଙ୍କ ବଡ଼ ପଦକ୍ଷେପ । ଦେଶରେ ଉଡ଼ିବ ଆଉ ୩ ନୂଆ ଏୟାରଲାଇନ୍ସ । କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଶଙ୍ଖ ଏୟାର, ଅଲ୍ ହିନ୍ଦ୍ ଏୟାର ଓ ଏବଂ ଫ୍ଲାଏ ଏକ୍ସପ୍ରେସ୍ ଅନୁମତି ମିଳିଛି । ମନ୍ତ୍ରଣାଳୟ ପକ୍ଷରୁ ଦୁଇଟି କମ୍ପାନୀକୁ ଏନଓସି ଜାରି କରାଯାଇଛି । ପୂର୍ବରୁ ଶଙ୍ଖ ଏୟାରକୁ ଏନଓସି ମିଳିସାରିଛି । ୨୦୨୬ରୁ ଏହି କମ୍ପାନୀ ବିମାନ ଉଡ଼ାଣ ଆରମ୍ଭ କରିବ ବୋଲି ଅନୁମାନ କରାଯାଉଛି ।
ନିକଟରେ ଇଣ୍ଡିଗୋ ବିମାନ ସେବାରେ ଦେଖାଦେଇଥିବା ବଡ଼ ଧରଣର ଅବ୍ୟବସ୍ଥା ଓ ବିଭ୍ରାଟ ପରେ ସରକାର ଏହି ପଦକ୍ଷେପ ନେଇଛନ୍ତି । ଭାରତରେ ଏବେ ହାତ ଗଣତି କମ୍ପାନୀ ବିମାନ ସେବା ଯୋଗାଉଛନ୍ତି । ତେବେ ନୂଆ କମ୍ପାନୀ ଆସିବା ପରେ ଯାତ୍ରୀ ଅଧିକ ବିକଳ୍ପ ପାଇବେ ଓ ଏକଚାଟିଆ ପ୍ରଭାବ କମିବ ।
ସେହିପରି ନୂଆ ବିମାନ ସେବା ଆରମ୍ଭ ହେଲେ ପ୍ରତିଯୋଗିତା ବଢ଼ିବ, ଫଳରେ ବିମାନ ଭଡ଼ା ନିୟନ୍ତ୍ରଣରେ ରହିବା ସହ ସେବାରେ ଉନ୍ନତି ଆସିବ ବୋଲି ଆଶା କରାଯାଇଛି । ବର୍ତ୍ତମାନ ଭାରତୀୟ ବିମାନ ସେବା କ୍ଷେତ୍ରରେ ଏୟାରଇଣ୍ଡିଆ ଓ ଇଣ୍ଡିଗୋର ଦବଦବା ରହିଛି ।
