କୋଟପାଡ଼/ ସୁବର୍ଣ୍ଣପୁର: କୋରାପୁଟ ଜିଲ୍ଲା କୋଟପାଡ଼ ପାଇଁ ଗୌରବ ଆଣିଲେ ନବୀନ ଗୁପ୍ତା । ଓଡ଼ିଶା ସିଭିଲ ସର୍ଭିସ ପରୀକ୍ଷାରେ ନବୀନ ୧୯ ନମ୍ବର ସ୍ଥାନ ହାସଲ କରିଛନ୍ତି । ଘରର ଆର୍ଥିକ ପରିସ୍ଥିତି ଠିକ ନଥିବା ସତ୍ୱେ କଠିନ ପରିଶ୍ରମ କରି ସେ ସାଉଁଟିଛନ୍ତି ସଫଳତା । ସଚୋଟତାର ସହ ଅଞ୍ଚଳବାସୀଙ୍କ ସେବା କରିବେ ବୋଲି କହିଛନ୍ତି ନବୀନ l ଏବେ ବିଭିନ୍ନ ମହଲରୁ ନବୀନଙ୍କ ନିକଟକୁ ଛୁଟିଛି ଶୁଭେଚ୍ଛା ସୁଅ ।
ସେହିଭଳି ସୁବର୍ଣ୍ଣପୁରରୁ ମଧ୍ୟ ଜଣେ ଛାତ୍ର ଏହି ପରୀକ୍ଷାରେ ପାସ୍ କରି ସୁନାମ ଅର୍ଜନ କରିଛନ୍ତି । ଓଡ଼ିଶା ସିଭିଲ ସର୍ଭିସ ପରୀକ୍ଷାରେ ଅଷ୍ଟମ ସ୍ଥାନ ହାସଲ କରିଛନ୍ତି ସୁବର୍ଣ୍ଣପୁର ସୁନାମାଟିର ନିତେଶ କୁମାର ବାରିକ । ଶୋଭାଯାତ୍ରାରେ ନିତେଶଙ୍କୁ ଗାଁ ଲୋକେ ଦେଇଛନ୍ତି ସ୍ଵାଗତ ସମ୍ୱର୍ଦ୍ଧନା । ଗାଁ ଓ ପରିବାରରେ ଖୁସିର ଲହରି ଖେଳିଯାଇଛି ।
