କାନପୁର : ଆଇପିଏଲ କ୍ରିକେଟର ଅମିତ ମିଶ୍ରାଙ୍କ ନାମରେ ଅଭିଯୋଗ ଆଣିଲେ ୟୁପି କାନପୁରର ୩୫ ବର୍ଷୀୟ ମଡେଲ ତଥା ପତ୍ନୀ ଗରିମା ତିୱାରୀ । ଗରିମା ଅମିତ ଏବଂ ତାଙ୍କ ଘର ଲୋକଙ୍କ ବିରୋଧରେ ଅଭିଯୋଗ ଦାୟର କରିଛନ୍ତି । ଗରିମାଙ୍କୁ ଯୌତୁକ ପାଇଁ ଶାରୀରିକ ଏବଂ ମାନସିକ ଉତ୍ପୀଡ଼ନ, ମାରପିଟ ଏବଂ ଜୀବନ ହାରିବା ପାଇଁ ଉସୁକାଉଥିବା ଅଭିଯୋଗ ହୋଇଛି ।
୨୦୨୧ରେ ବିବାହ କରିଥିଲେ ଅମିତ ଏବଂ ଗରିମା । ଏବେ ଦୁହିଁଙ୍କ ଭିତରେ ଆଇନଗତ ଲଢେଇ ଚଲିଛି । ପୋଲିସ ନିକଟରେ ଏଫଆଇଆର ଦାୟର ନ କରିବାରୁ କୋର୍ଟ ନ୍ୟାୟ ପାଇଁ ଗୁହାରି କରିଛନ୍ତି । ଗରିମା ତିୱାରୀ କହିଛନ୍ତି, ତାଙ୍କର ଏବଂ ଅମିତଙ୍କ ସାକ୍ଷାତ ୨୦୧୯ରେ ଇନଷ୍ଟାଗ୍ରାମ ଜରିଆରେ ହୋଇଥିଲା । ୩ ବର୍ଷ ଯାଏଁ ସଂପର୍କରେ ରହିବା ପରେ ଦୁହେଁ ୨୦୨୧ରେ କାନପୁରରେ ବିବାହ କରିଥିଲେ । ଅମିତ ମିଶ୍ରା ବର୍ତ୍ତମାନ ଆରବିଆଇରେ ଅଧିକାରୀ ଭାବେ କାମ କରୁଛନ୍ତି । ଗରିମାଙ୍କ ଅଭିଯୋଗ ଯେ, ବିବାହର କିଛିଦିନ ପରେ ସ୍ବାମୀ ଏବଂ ଶଶ୍ବୁର ଘର ଲୋକ କାର୍ ଏବଂ ୧୦ ଲକ୍ଷ ଦାବି କରିଥିଲେ ।
ଗରିମା ଆହୁରି କହିଛନ୍ତି, ଅମିତ ମଦ ପିଇ ଆସି ମାରପିଟ କରିବା ସହିତ ଗାଳିଗୁଲଜ କରୁଥିଲେ । ଅନେକ ଦିନ ଯାଏଁ ତାଙ୍କୁ ଭୋକିଲା ରଖାଯାଉଥିଲା । ମଡେଲିଂ ଜରିଆରେ ଯାହା ରୋଜଗାର କରୁଥିଲେ, ତାହା ଛଡେଇ ନିଆଯାଉଥିଲା । ପ୍ରତାରଣା ପାଇବା ଯୋଗୁଁ ଗରିମା ଡିପ୍ରେସନକୁ ଚାଲିଯାଇଥିଲେ । ଏହାପରେ ନିଜ କ୍ୟାରିଅର ଛାଡିଦେଇଥିଲେ । ମାନସିକ ଦୁଶ୍ଚିନ୍ତାରେ ନିଜ ଜୀବନ ହାରିବାକୁ ଚେଷ୍ଟା କରିଥିଲେ ଗରିମା ।ଗରିମା ଏବେ ପୋଲିସ କମିଶନରଙ୍କ କାର୍ଯ୍ୟାଳୟ ସହିତ ଅନେକ ଗୁହାରି କରିଛନ୍ତି । କିନ୍ତୁ ଅମିତଙ୍କ ଯୋଗୁଁ ଏଫଆଇଆରର କୌଣସି ପ୍ରଭାବ ପଡିନାହିଁ । ପୋଲିସ ନିଷ୍କ୍ରିତା ପରେ କୋର୍ଟର ଦ୍ବାରସ୍ଥ ହୋଇଛନ୍ତି ଗାରିମା ।
ସୂଚନାଯୋଗ୍ୟ, ଏହା ଅମିତଙ୍କ ଉପର ୩ୟ କେସ୍ । ପୂର୍ବରୁ ୨୦୨୫ରେ ଗରିମା ଘରୋଇ ହିଂସା ଏବଂ ୫୦,୦୦୦ ଟଙ୍କା ମାସିକ ଭତ୍ତା ଏବଂ ୧ କୋଟି ଟଙ୍କା କ୍ଷତିପୂରଣ ପାଇଁ ଯାଚିକା ଦାୟର କରିଛନ୍ତି ।
