ଭୁବନେଶ୍ଵର : ପାର୍ବଣ ପୂର୍ବରୁରେ ଅସମ୍ଭାଳ ଭିଡ । ଭିଡରେ ଉଛୁଳୁଛି ରାଜଧାନୀ । ଭୁବନେଶ୍ବର ଖଣ୍ଡଗିରି ଛକରେ ଅସମ୍ଭାଳ ଭିଡ଼ ଦେଖିବାକୁ ମିଳିଛି । ଓଭରବ୍ରିଜ ଉପରେ ଲାଗିଛି ଶହ ଶହ ସଂଖ୍ୟାରେ ଗାଡିର ଲମ୍ବା ଲାଇନ୍। ଓଭର ବ୍ରିଜ ଉପରେ ମରାମତି ଚାଲୁଥିବାରୁ ଏପରି ରାସ୍ତା ଜାମ ହେଉଥିବା ସୂଚନା ମିଳିଛି । ଆଚାର୍ଯ୍ୟ ବିହାର ଆଡୁ ଯାଉଥିବା ଗାଡି ଗୁଡିକ ବରମୁଣ୍ଡା ଓଭର ବ୍ରିଜ୍ ପାରି ହେବା ପରେ ଖଣ୍ଡଗିରି ପାଖରେ ଡାଇଭଟ ହୋଇ ପୁଣି ଡୁମୁଡୁମା ନିକଟରେ ଜାତୀୟ ରାଜପଥ ଚଢୁଛନ୍ତି । ଫଳରେ ବରମୁଣ୍ଡାରୁ ଡୁମୁଡୁମା ଯାଏଁ ଯିବାକୁ ଘଣ୍ଟେରୁ ଅଧିକ ସମୟ ଲାଗୁଛି ।
ଗତକାଲି ମଧ୍ୟ ଏଭଳି ସମସ୍ୟା ଦେଖିବାକୁ ମିଳିଥିବା ବେଳେ ଆଜି ମଧ୍ୟ ସମାନ ସମସ୍ୟା ଦେଖିବାକୁ ମିଳିଛି । ଅଫିସ ଟାଇମ୍ ଆଉ ସନ୍ଧ୍ୟା ସମୟରେ ନାହିଁ ନଥିବା ଭିଡ ଦେଖିବାକୁ ମିଳୁଛି । ଫଳରେ ଲୋକମାନେ ପ୍ରବଳ ସମସ୍ୟାର ସମ୍ମୁଖୀନ ହେଉଛନ୍ତି । ଖଣ୍ଡଗିରିରୁ ଖୋର୍ଦ୍ଧା ଯିବା ରାସ୍ତାରେ ଏଭଳି ଅବସ୍ଥା ଜାରି ରହିଛି ।
