ଭୁବନେଶ୍ବର : ଭୁବନେଶ୍ବର ଖଣ୍ଡଗିରି ପାଖରେ ଜଳିଗଲା କାଫେ । ଦ୍ବିତୀୟ ମହଲାରେ ଥିବା କାଫେରେ ଅଗ୍ନିକାଣ୍ଡ ହୋଇଛି । ତେବେ ଅଗ୍ନିକାଣ୍ଡର କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । ନିଆଁ ଲାଗିବା ପରେ ଲୋକମାନେ ବାହାରକୁ ଆସିଯାଇଥିଲେ । ଅଗ୍ନିଶମ ବାହିନୀ ଲୋକଙ୍କୁ ଉଦ୍ଧାର ସହ ନିଆଁ ଲିଭାଇଥିଲା ।
ତେବେ ନିଆଁ ଲାଗିଥିବା କାଫେର ନାମ ସିକ୍ରେଟ ବୋଲି ଜଣାପଡିଛି । ନିଆଁ ଲାଗିବା ପରେ ଚାରିଆଡେ ଧୂଆଁମୟ ହୋଇଯାଇଥିଲା । ତେବେ ନିଆଁ ଲାଗିବା ସମୟରେ କାଫେରେ 5ରୁ 6ଜଣ ବ୍ୟକ୍ତି ରହିଥିଲେ । ହେଲେ ଅଳ୍ପକେ ସେମାନେ ବର୍ତ୍ତି ଯାଇଛନ୍ତି । ତେବେ ନିଆଁ ଲାଗିବା ପରେ କାଫେ ସମ୍ପୁର୍ଣ୍ଣ ଜଳିଯାଇଥିବା କହିଛନ୍ତି କାଫେ ମାଲିକ ।
