ସୁନ୍ଦରଗଡ଼/ କେନ୍ଦୁଝର : ପାହାଡ଼ରେ ନିଆଁ । ସୁନ୍ଦରଗଡ଼ ଜିଲ୍ଲା କୋଇଡା ବନାଞ୍ଚଳ ଭବାନୀ ପାହାଡରେ ଭୟଙ୍କର ଅଗ୍ନିକାଣ୍ଡ ହୋଇଛି । ଜଳିପୋଡ଼ି ପାଉଁଶ ହୋଇଯାଇଛି ବହୁ ମୂଲ୍ୟବାନ ଗଛ । କୋଇଡା ବନବିଭାଗ ଟିମ୍ ପହଂଚି ନିଆଁକୁ ଆୟତ୍ତ କରିବାକୁ ଉଦ୍ୟମ କରୁଛନ୍ତି । ନିଆଁ ଏମିତି ବ୍ୟାପିଛି ଯେ ନିଆଁକୁ ଆୟତ୍ତ କରିବା କଷ୍ଟକର ହୋଇପଡିଛି । ଅନ୍ୟପଟେ କୋଇଡା ସହରକୁ ଲାଗି ଭବାନୀ ପାହାଡ ରହିଥିବାରୁ ଧୂଆଁରେ ଅଣନିଃଶ୍ଵାସୀ ହେଲେଣି କୋଇଡା ଅଞ୍ଚଳବାସୀ ।
ଅନ୍ୟପଟେ କେନ୍ଦୁଝର ଜିଲ୍ଲା ପାଟଣା ରେଞ୍ଜ ଖିରେଇଟାଙ୍ଗିରୀ ବିଟ୍ ବାଉଁଶୁଳୀ ସଂରକ୍ଷିତ ଜଙ୍ଗଲରେ ଲାଗିଛି ନିଆଁ । ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କରିଥିଲା ବନବିଭାଗ । ଜଙ୍ଗଲରେ ଚାରିଆଡେ ନିଆଁ ବ୍ୟାପିଯାଇଛି । ନିଆଁର ଆଁରେ ଜଳିଯାଇଛି ବହୁ ମୂଲ୍ୟବାନ ଗଛ । କେମିତି ନିଆଁ ଲାଗିଲା ତାହା ଜଣାପଡିନାହିଁ । କେହି ଦୁର୍ବୃତ୍ତ ନିଆଁ ଲଗାଇଦେଇଥିବା ସନ୍ଦେହ କରାଯାଉଛି । ବାରମ୍ବାର ଜଙ୍ଗଲରେ ନିଆଁ ଲାଗୁଥିବାରୁ ଅସନ୍ତୋଷ ପ୍ରକାଶ ପାଇଛି ।
