ଖାଲିସ୍ତାନୀ ଆତଙ୍କବାଦୀ ହରଦୀପ ସିଂହ ନିଜ୍ଜାର ହତ୍ୟା ମାମଲାରେ କାନାଡା ଶନିବାର ଦିନ ଆଉ ଜଣକୁ ଗିରଫ କରିଛି । କାନାଡା କହିଛି ଯେ, ଗିରଫ କରାଯାଇଥିବା ବ୍ୟକ୍ତିଙ୍କ ନାମ ଅମନଦୀପ ସିଂହ ଏବଂ ସେ ଜଣେ ଭାରତୀୟ ।
ଇଣ୍ଟିଗ୍ରେଟେଡ ହୋମିସାଇଡ ଇନଭେଷ୍ଟିଗେସନ ଟିମ କହିଛି ଯେ, ୨୨ ବର୍ଷୀୟ ଅମନଦୀପ ସିଂହ ପୂର୍ବରୁ ଅନ୍ୟ ଏକ ହତ୍ୟା ମାମଲାରେ ପୀଲ ରୀଜନଲ ପୋଲିସ ହେପାଜତରେ ଥିଲେ ଏବଂ ତାଙ୍କୁ ହରଦୀପ ସିଂହ ନିଜ୍ଜାରଙ୍କ ମର୍ଡର କେସରେ ୧୧ ମେ’ ରେ ଗିରଫ କରାଯାଇଥିଲା । ଆଇଏଚଆଇତି ଆଗକୁ କହିଛନ୍ତି ଯେ, ଅମନଦୀପ ସିଂହଙ୍କ ଉପରେ ଫାର୍ଷ୍ଟ-ଡିଗ୍ରୀ ହତ୍ୟା ଏବଂ ନିଜ୍ଜାର ହତ୍ୟା ମାମଲାରେ ଷଡଯନ୍ତ୍ରକାରୀର ଅଭିଯୋଗ ଲାଗିଛି । ହରଦୀପ ସିଂହ ନିଜ୍ଜାର ହତ୍ୟା ମାମଲାରେ ଏହା ପୂର୍ବରୁ କାନାଡା କରଣ ବରାଡ଼, କମପ୍ରୀତ ଏବଂ କରଣପ୍ରୀତ ସିଂହଙ୍କୁ ଗିରଫ କରିସାରିଛନ୍ତି । ତେବେ ଏହି ୪୫ ବର୍ଷୀୟ ନିଜ୍ଜାରଙ୍କୁ ଗତ ବର୍ଷ ଜୁନରେ ଗୁଳି କରି ହତ୍ୟା କରାଯାଇଥିଲା । ଏହି ସଂପୂର୍ଣ୍ଣ ମାମଲାକୁ ନେଇ କାନାଡା ଏବଂ ଭାରତରେ ତିକ୍ତତା ଜାରି ରହିଛି ।
