ନୂଆପଡ଼ା : ଗାଁରେ ବୁଲୁଛି ବାଘ । ନୂଆପଡ଼ା ଜିଲ୍ଲା ଖୁଟବନଭେରା-ପତୋରା ମୁଖ୍ୟ ରାସ୍ତାରେ ବୁଲୁଛି କଲରାପତରିଆ । ବାଘକୁ ଦେଖି ସ୍ଥାନୀୟ ଲୋକେ ଆତଙ୍କିତ ହୋଇପଡିଛନ୍ତି । ରାତିରେ ଗାଡ଼ିରେ ଯିବା ବେଳେ ଜଣେ ବ୍ୟକ୍ତି ରାସ୍ତାକଡ଼ରେ ବାଘକୁ ଦେଖିଥିଲେ । କାର୍ ଅଟକାଇ ଏହି ଗାଡ଼ି ଆଲୁଅରେ ଭିଡିଓ ନେଇଥିଲେ । ବାଘ ଗାଁ ପାଖରେ ବାଘ ବୁଲୁଥିବା ଜାଣି ସ୍ଥାନୀୟ ଲୋକେ ଆତଙ୍କିତ ହୋଇପଡିଛନ୍ତି । ଏହି ରାସ୍ତାଦେଇ ଯାତାୟାତ କରିବା ପାଇଁ ଲୋକେ ଭୟ କରୁଛନ୍ତି ।
ସୂଚନା ଅନୁସାରେ, ରାତିରେ ଜଣେ ବ୍ୟକ୍ତି ଗାଡ଼ିରେ ଏହି ରାସ୍ତା ଦେଇ ଯାଉଥିବା ବେଳେ ହଠାତ୍ ରାସ୍ତା କଡ଼ରେ ଏକ କଲରାପତରିଆ ବାଘକୁ ଦେଖିଥିଲେ। ବାଘଟିକୁ ଦେଖି ସେ କିଛି ସମୟ ପାଇଁ ଗାଡ଼ି ଅଟକାଇଥିଲେ । ଗାଡ଼ିର ଆଲୋକରେ ରାସ୍ତା କଡ଼ରେ ଥିବା ବାଘର ଭିଡିଓ ମଧ୍ୟ ରେକର୍ଡ କରିଥିଲେ । ପରେ ବାଘଟି ରାସ୍ତା ଅତିକ୍ରମ କରି ଚାଲିଯାଇଥିବା ଜଣାପଡ଼ିଛି ।
ଅନ୍ୟପଟେ, ବାଘଟି କେଉଁ ଅଞ୍ଚଳରୁ ଆସିଛି ଏବଂ ବର୍ତ୍ତମାନ କେଉଁଠାରେ ରହିଛି, ତାହା ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍କଣ୍ଠା ରହିଛି। ବନ ବିଭାଗ ପକ୍ଷରୁ ଘଟଣା ଉପରେ ନଜର ରଖିବା ସହ ବାଘର ଗତିବିଧି ସମ୍ପର୍କରେ ଯାଞ୍ଚ କରାଯିବା ନେଇ ଅଞ୍ଚଳବାସୀ ଆଶା ରଖିଛନ୍ତି। ଗାଁ ନିକଟରେ ବନ୍ୟଜନ୍ତୁ ଦେଖାଯାଇଥିବାରୁ ଲୋକେ ସତର୍କ ରହିବା ଜରୁରୀ ହୋଇପଡ଼ିଛି ।
