କୋଟା : ରାଜସ୍ଥାନ କୋଟାରେ ଅମ୍ବାଲି ଅଞ୍ଚଳରେ ଚାଞ୍ଚଲ୍ୟକର ଘଟଣା । ଗୋଟିଏ ଘରର ପାଣିଟାଙ୍କି ଭିତରୁ ଏକସାଙ୍ଗରେ ୧୧ଟି ସାପ ବାହାରିବା ପରେ ଚାଞ୍ଚଲ୍ୟ ଖେଳିଯାଇଛି । ଘର ଭିତରେ ଥିବା ୮ ଫୁଟ ଗଭୀର ଟାଙ୍କିକୁ ସଫା କରିବା ବେଳେ ସାପ ଧରାପଡିଥିଲେ । ସୂଚନା ମିଳିବା ପରେ ଘଟଣା ସ୍ଥଳରେ ରେସକ୍ୟୁ ଟିମ୍ ପହଞ୍ଚି ସାପକୁ ଧରିଥିଲା ।
ଖବର ମୁତାବକ, କୋଟାର ଅମ୍ବାଲି ଅଞ୍ଚଳରେ ସୋମବାର ସକାଳ ସମୟରେ ଘର ଭିତରେ ଥିବା ଏକ ୮ ଫୁଟ ଗଭୀର ପାଣି ଟାଙ୍କିକୁ ସଫା କରିବା ବେଳେ ଏଥିରେ କିଛି ହଲଚଲ ଦେଖିବାକୁ ପାଇଥିଲେ ଘର ଲୋକ । ଆଉ ଟର୍ଚ୍ଚ ଆଣି ପାଣିକୁ ଦେଖିବା ବେଳେ କିଛି ହଲଚଲ୍ ଦେଖିବାକୁ ପାଇଥିଲେ । ଘର ଲୋକ ଏତେ ସାପ ଦେଖି ଭୟଭୀତ ହୋଇଯାଇଥିଲେ । ତୁରନ୍ତ ପରିବାର ଲୋକ ନଗର ନିଗମର ରେସକ୍ୟୁ ଟିମ ପହଞ୍ଚି ସାପକୁ ଉଦ୍ଧାର କରିଥିଲେ ।
ରେସକ୍ୟୁ ଟିମର ଜଣେ ଅଧିକାରୀଙ୍କ କହିବା ମୁତାବକ, ଘରେ ଥିବା ଟାଙ୍କି ଅନେକ ଦିନରୁ ସଫା ହୋଇନଥିଲା । ତେଣୁ ସୋମବାର ସକାଳ ସମୟରେ ପରିବାର ଲୋକ ଟାଙ୍କି ଖାଲି କରି ସଫା କରୁଥିବା ବେଳେ ସାପ ଦେଖିଥିଲେ । ଏହାପରେ ସାପକୁ ବାହାର କରାଯାଇଥିଲା । ପ୍ରାୟ ୨୦ ମିନିଟର ପରିଶ୍ରମ କରିବା ପରେ ୧୧ ସାପକୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା । ସବୁ ସାପଗୁଡିକ ୧ ଫୁଟ ଲମ୍ବାର ରହିଥିଲେ । ରେସକ୍ୟୁ ପରେ ସାପଗୁଡିକୁ ଚମ୍ବଲ ନଦୀ କୂଳରେ ଛାଡି ଦିଆଯାଇଥିଲା ।
