ସୂଚନାନୁଯାୟୀ, ପୁନେରୁ ପୁସେଦ ଯାଉଥିବା ଟ୍ରାଭେଲ୍ସ ଏମପି ୦୯ ଡିପି ୯୯୨୫ ବଡନାପୁର ଅଞ୍ଚଳ ଦେଇ ଯାଉଥିବା ବେଳେ ଜଣେ ୫୦ ବର୍ଷୀୟ ଯାତ୍ରୀ ନିଜ ଦେହରେ ପେଟ୍ରୋଲ ଢାଳି ହୋଇ ଜୀବନ ହାରିବାର ଉଦ୍ୟମ କରିଥିଲେ । ଯିଏ କି ବସର ୧୨ ନମ୍ବର ସିଟରେ ବସିଥିଲେ । ହଠାତ୍ ପୋଡି ହେବାର ଗନ୍ଧ ହେବାରୁ ଆତଙ୍କ ଖେଳିଯାଇଥିଲା । ଅନ୍ୟ ଯାତ୍ରୀମାନେ ନିଜ ଜୀବନ ବଞ୍ଚାଇବା ପାଇଁ ବସରୁ ବାହାରି ଦୌଡିବାକୁ ଆରମ୍ଭ କରିଥିଲେ । ଡ୍ରାଇଭର ତୁରନ୍ତ ବଡନାପୁର ନିକଟରେ ଥିବା ନିରଙ୍କାରୀ ପେଟ୍ରୋଲ ପମ୍ପ ନିକଟରେ ବସ୍ଟିକୁ ଅଟକାଇ ଦେଇଥିଲେ । ଫଳରେ ଯାତ୍ରୀଙ୍କୁ ମୃତ ଅବସ୍ଥାରେ ପଡ଼ିଥିବା ଦେଖିବାକୁ ପାଇଥିଲେ । ପରେ ଯାତ୍ରୀମାନେ ତୁରନ୍ତ ବଡନାପୁର ପୋଲିସକୁ ସୂଚନା ଦେଇଥିଲେ ।
