ଭୁବନେଶ୍ୱର : ପ୍ରେସ୍ କାଉନ୍ସିଲ୍ ଅଫ୍ ଇଣ୍ଡିଆର ସମସ୍ତ ନର୍ମସ ଅଫ୍ ଜର୍ଣ୍ଣାଲିଷ୍ଟିକ୍ କଣ୍ଡକ୍ଟକୁ ସମ୍ପୂର୍ଣ୍ଣ ଦଳିମକଚି ଦେଇଛି ଏକ ନିର୍ଦ୍ଦିଷ୍ଟ ଗଣମାଧ୍ୟମ । କିସରେ ଗତକାଲି ଘଟିଥିବା ଏକ ଆତ୍ମହତ୍ୟା ଘଟଣାକୁ ବାରମ୍ବାର ପ୍ରସାରଣ କରି ଜନଜାତିଙ୍କୁ ବଦନାମ କରିବାରେ ଲାଗିଛି ଉକ୍ତ ଗଣମାଧ୍ୟମ । ଆତ୍ମହତ୍ୟା କରିଥିବା ପିଲାର ବାପାମାଆ ଦାଦନ ଖଟିବାକୁ ଯାଇଥିବା ବେଳେ ପିଲାଟି ବେଳୁ ଛାତ୍ରଟିର ସମସ୍ତ ଦାୟିତ୍ୱ କିସ୍ ବହନ କରିଆସିଛି । ବ୍ୟକ୍ତିଗତ କାରଣରୁ ପିଲାଟି ଆତ୍ମହତ୍ୟା କରିଥିବା ଜଣାପଡ଼ିଛି ।
ଏବେ +୨ ପରୀକ୍ଷା ଚାଲୁଥିବା ବେଳେ ଏକ ନିର୍ଦ୍ଦିଷ୍ଟ ଗଣମାଧ୍ୟମ ଉଦ୍ଦେଶ୍ୟ ପ୍ରଣୋଦିତ ଭାବେ ଏହି ଖବର ପ୍ରସାରଣ କରି ବାକି ଜନଜାତି ଛାତ୍ରଛାତ୍ରୀଙ୍କୁ ମାନସିକ ନିର୍ଯାତନା ଦେଇ ଚାଲିଥିବା ଅଭିଯୋଗ ଆସୁଛି । କେବଳ ସେତିକି ନୁହେଁ ସାରାରାତି କିସ୍ ଫାଟକ ସମ୍ମୁଖରେ ରିପୋର୍ଟର ଜଗେଇ କିସ୍ ପିଲାଙ୍କଠାରୁ ବାଇଟ୍ ନେବା ପାଇଁ ଉଦ୍ୟମ କରୁଛି । ଏଭଳି ଉଦ୍ଦେଶ୍ୟ ପ୍ରଣୋଦିତ ଖବର ପ୍ରସାରଣ କରି କିସ୍କୁ ନୁହେଁ ବରଂ ସମଗ୍ର ଜନଜାତି ବର୍ଗକୁ ବଦନାମ କରିବାରେ ଲାଗିଛି । ବର୍ଷ ବର୍ଷ ଧରି ଉକ୍ତ ଗଣମାଧ୍ୟମ ଜନଜାତି ବର୍ଗକୁ ଏଭଳି ବଦନାମ କରିଚାଲିଛି ।
ସେପଟେ ପୁଅ ଆତ୍ମହତ୍ୟା କରିଛି ବୋଲି କହିଛନ୍ତି ମୃତ ଛାତ୍ରଙ୍କ ବାପା ବନମାଳୀ ଶବର । କିସରେ ପାଠୁପଢୁଥିବା ଛାତ୍ର ଚନ୍ଦନ ଶବର ଆତ୍ମହତ୍ୟା କରିଛନ୍ତି । ଖବର ପାଇବା ପରେ ତାଙ୍କ ବାପା ବନମାଳୀ ଶବର ଆସି ପୁଅର ମୃତଦେହ ଦେଖିଛନ୍ତି । ଗତ ୧୧ବର୍ଷ ଧରି କିସରେ ପାଠ ପଢୁଥିଲେ ଚନ୍ଦନ । ୨୦୧୫ରୁ ଏଠାରେ ପାଠପଢୁଥିବା ବେଳେ କେବେ ପଢାପଢିରେ ଅସୁବିଧା ହୋଇନି । ଖାଇବା ପିନ୍ଧିବା ସବୁକିଛି କିସ କର୍ତ୍ତୃପକ୍ଷ ବୁଝାବୁଝି କରିଥାନ୍ତି । ମାସକୁ ଥରେ ଆସି ପୁଅକୁ ଦେଖିକି ଯାଆନ୍ତି ବୋଲି ବନମାଳୀ ଶବର । ପୁଅ ସୁଇସାଇଡ କରିଥିବା ନେଇ ତାଙ୍କ ସାର ପ୍ରଥମେ ଘରକୁ ଜଣାଇଥିଲେ । କିସ କର୍ତ୍ତୃପକ୍ଷ ଏନେଇ ପୋଲିସକୁ ଖବର ଦେବା ପରେ ପୋଷ୍ଟମର୍ଟମ ପାଇଁ ପଠାଯାଇଛି । ପୋଷ୍ଟମର୍ଟମ ରିପୋର୍ଟ ଆସିବା ପରେ କାରଣ ସ୍ପଷ୍ଟ ହେବ ।
