ଟ୍ରକ୍ ଚାପାରେ ସାଇକେଲ ଆରୋହୀଙ୍କ ମୃତ୍ୟୁ

ଭବାନୀପାଟଣା  : ଜୁନାଗଡ଼ ଥାନା ବଳଦିଆମାଳ ଛକରେ ଆଜି ସକାଳେ ଏକ ଟ୍ରକ୍ ଚାପାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ଘଟିଛି। ମୃତକ ବଳଦିଆମାଲ ଗାଁର କଳ୍ପେଶ୍ୱର ମେହେର (୭୦) ବୋଲି ଜଣାପଡିଛି। ଜୟପୁର ପଟକୁ ଯାଉଥିବା ଏହି ମାଲ ବୋଝେଇ ଟ୍ରକର ପଛ ଚକରେ ସାଇକେଲ ଆରୋହୀ ଚାପି ହେଇ ଯାଇଥିବା କୁହାଯାଉଛି। ଖବର ପାଇ ଜୁନାଗଡ଼ ପୁଲିସ ଘଟଣାସ୍ଥଳରେ ପହଂଚି ମୃତଦେହ ସହିତ ଟ୍ରକଟିକୁ ଜବତ କରି ତଦନ୍ତ କରୁଛି। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।