Tuesday, November 17, 2026
19.3 C
Odisha

    ତାମିଲନାଡ଼ୁ ସ୍କୁଲରେ ବଦଳିବ ମଧ୍ୟାହ୍ନ ଭୋଜନ ମେନୁ: ସାମିଲ ହେବ ଚିକେନ ବିରିୟାନୀ

    ଆଗକୁ ପଢନ୍ତୁ

    ଚେନ୍ନାଇ  :  ତାମିଲନାଡୁରେ ସି ଯୋଶେଫ ବିଜୟ ମୁଖ୍ୟମନ୍ତ୍ରୀ ହେବା ପରେ ରାଜ୍ୟରେ ନୂଆ ନୂଆ ପରିବର୍ତ୍ତନ କରିବାକୁ ଉଦ୍ୟମ କରୁଛି। ତାମିଲନାଡ଼ୁରେ ସ୍କୁଲ ପିଲାଙ୍କ ମଧ୍ୟାହ୍ନ ଭୋଜନ ମେନୁ ଖୁବ୍‌ଶୀଘ୍ର ବଦଳାଇବାକୁ ଯୋଜନା ହେଉଛି। ନୂଆ ପରିବର୍ତ୍ତନ ଅନୁଯାୟୀ, ପିଲାମାନଙ୍କୁ ସପ୍ତାହରେ ଥରେ ଚିକେନ ବିରିୟାନୀ ଦିଆଯିବାକୁ ଯୋଜନା କରାଯାଉଛି।ପ୍ରସ୍ତାବ ବିଷୟରେ ସ୍କୁଲ ଶିକ୍ଷା ମନ୍ତ୍ରୀ ରାଜମୋହନ କହିଛନ୍ତି ଯେ, ରାଜ୍ୟର ପ୍ରତ୍ୟେକ ପ୍ରମୁଖ ରାଜନୈତିକ ଦଳ ନିଜସ୍ୱ ଉପାୟରେ ସ୍କୁଲ ପୁଷ୍ଟିସାର କାର୍ଯ୍ୟକ୍ରମକୁ ସୁଦୃଢ଼ ​​କରିଛନ୍ତି।

    ସୂଚନାଯୋଗ୍ୟ, ମଧ୍ୟାହ୍ନ ଭୋଜନ ଯୋଜନା ପ୍ରଥମେ ୧୯୫୦ ଦଶକରେ ତତ୍‌କାଳୀନ ତାମିଲନାଡୁ ମୁଖ୍ୟମନ୍ତ୍ରୀ କେ କାମରାଜରଙ୍କ ଦ୍ୱାରା ପ୍ରଚଳନ କରାଯାଇଥିଲା। କଲାଇଗ୍ନାର କରୁଣାନିଧି ମଧ୍ୟାହ୍ନ ଭୋଜନରେ ଅଣ୍ଡା ଯୋଡିଲେ, ଏମ୍‌ଜିଆର ଏହାକୁ ପୁଷ୍ଟିକର ଖାଦ୍ୟ କାର୍ଯ୍ୟକ୍ରମରେ ପରିଣତ କଲେ ଓ ଜୟଲଳିତା ସପ୍ତାହ ସାରା ଅଣ୍ଡା ବଣ୍ଟନକୁ ବିସ୍ତାର କଲେ। ମୋର ଇଚ୍ଛା ସରକାରୀ ସ୍କୁଲଗୁଡ଼ିକରେ ପିଲାମାନଙ୍କ ପାଇଁ ସପ୍ତାହରେ ଥରେ ଚିକେନ ବିରିୟାନୀ ପ୍ରଚଳନ କରିବାକୁ ବୋଲି ରାଜମୋହନ କହିଛନ୍ତି। ସୂତ୍ର ଅନୁଯାୟୀ, ଏହି ପ୍ରସ୍ତାବଟି ବର୍ତ୍ତମାନ ମୁଖ୍ୟମନ୍ତ୍ରୀ ବିଜୟଙ୍କ ବିଚାରାଧୀନ ଥିବା ବେଳେ, ଏପର୍ଯ୍ୟନ୍ତ ଏହା ଉପରେ ଚୂଡ଼ାନ୍ତ ନିଷ୍ପତ୍ତି ନିଆଯାଇନାହିଁ। ତାମିଲନାଡୁକୁ ଦୀର୍ଘ ସମୟ ଧରି ସ୍କୁଲ ପୁଷ୍ଟିସାର କାର୍ଯ୍ୟକ୍ରମରେ ଅଗ୍ରଣୀ ଭାବରେ ବିବେଚନା କରାଯାଇଆସୁଛି।

    ମଧ୍ୟାହ୍ନ ଭୋଜନ ଯୋଜନା ପ୍ରଥମେ ପୂର୍ବତନ ମୁଖ୍ୟମନ୍ତ୍ରୀ କେ କାମରାଜରଙ୍କ ଦ୍ୱାରା ୧୯୫୦ ଦଶକରେ ପ୍ରଚଳନ କରାଯାଇଥିଲା, ଯାହା ଭାରତର ସବୁଠାରୁ ପ୍ରସିଦ୍ଧ ସାମାଜିକ କଲ୍ୟାଣ ପଦକ୍ଷେପ ମଧ୍ୟରୁ ଗୋଟିଏର ମୂଳଦୁଆ ସ୍ଥାପନ କରିଥିଲା। ପରବର୍ତ୍ତୀ ସରକାରଗୁଡ଼ିକ ପୁଷ୍ଟିକର ମୂଲ୍ୟ ଓ ଖାଦ୍ୟ ତାଲିକା ଉଭୟକୁ ଉନ୍ନତ କରି ଯୋଜନାକୁ ବିସ୍ତାର କରିଥିଲେ। ସେପ୍ଟେମ୍ବର ୨୦୨୨ରେ, ତତ୍କାଳୀନ ଡ଼ିଏମକ ସରକାର ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ସକାଳେ ଜଳଖିଆ ଯୋଗାଇବା ପାଇଁ ମୁଖ୍ୟମନ୍ତ୍ରୀଙ୍କ ଜଳଖିଆ ଯୋଜନା – ପରେ ଏହାକୁ ପେରୁନ୍ଥଲାଇଭର କାମରାଜର ଜଳଖିଆ ଯୋଜନା ନାମରେ ନାମିତ କରାଯାଇଥିଲା ଆରମ୍ଭ କରିଥିଲେ। ମଧ୍ୟାହ୍ନ ଭୋଜନ ଯୋଜନା ସହିତ ଚାଲୁଥିବା ଏହି କାର୍ଯ୍ୟକ୍ରମ ସ୍କୁଲରେ ପିଲାମାନଙ୍କୁ ଦିନକୁ ଦୁଇଥର ପୁଷ୍ଟିକର ଖାଦ୍ୟ ପାଇବାକୁ ସୁନିଶ୍ଚିତ କରିଥିଲା। ବର୍ତ୍ତମାନ ପିଲାଙ୍କ ପିଛା ସରକାର ଦିନକୁ ୧୫ ଟଙ୍କା ପ୍ରଦାନ କରୁଥିବାବେଳେ ଏହି ଅର୍ଥରାଶିକୁ ବୃଦ୍ଧି କରାଯିବାକୁ ଲକ୍ଷ୍ୟ ରହିଛି। ମନ୍ତ୍ରୀ କହିଛନ୍ତି, ପ୍ରତିଦିନ ଅଟାରେ ତିଆରି ଜିନିଷ କିମ୍ବା ସୁଜି ଉପମା ପ୍ରଦାନ ଅପେକ୍ଷା ଅଧିକ ସୁସ୍ବାଦ ଖାଦ୍ୟ ଖର୍ଚ୍ଚ କରାଯିବାକୁ ଲକ୍ଷ୍ୟ ରଖାଯାଇଛି।

    ଅନ୍ୟାନ୍ୟ ଖବର

    ପାଣିପାଗ

    Odisha
    overcast clouds
    19.3 ° C
    19.3 °
    19.3 °
    72 %
    1kmh
    100 %
    Mon
    19 °
    Tue
    26 °
    Wed
    26 °
    Thu
    24 °
    Fri
    18 °

    ସମ୍ବନ୍ଧିତ