ପୁରୀ : ପବିତ୍ର ସ୍ନାନ ପୂର୍ଣ୍ଣିମାରେ ଚଳଚଞ୍ଚଳ ସ୍ନାନବେଦିରେ ଚତୁର୍ଦ୍ଧା ବିଗ୍ରହ । ତିନି ରଥରେ ଗଜପତି ଛେରାପହଁରା କରୁଛନ୍ତି । ସୁନା କୂଅରୁ ପାଣି ଆଣି ମହାପ୍ରଭୁଙ୍କୁ ସ୍ନାନ କରାଇଛନ୍ତି ସେବାୟତ । ଏନେଇ ପୂଜାପଣ୍ଡା ସାମନ୍ତ ଠାକୁରଙ୍କ ମସ୍ତକରେ ପ୍ରଥମେ ସୁବାସିତ ଜଳ ଅର୍ପଣ କରି ସାରିବା ପରେ ସେବାୟତମାନେ ତାଙ୍କୁ ସ୍ନାନ କରିବା କାର୍ଯ୍ୟ ଆରମ୍ଭ କରିଥିଲେ ।
ଶ୍ରୀଜଗନ୍ନାଥଙ୍କୁ ୩୫ ଗରା ଓ ବଳଭଦ୍ରଙ୍କୁ ୩୩ ଗରା ଜଳରେ ସ୍ନାନ କରାଯାଇଥିବା ବେଳେ ସୁଭଦ୍ରାଙ୍କୁ ୨୨ ଗରା ଓ ସୁଦର୍ଶନଙ୍କୁ ୧୮ ଗରା ଜଳରେ ଅଭିଷେକ କରାଯାଇଥିଲା । କିଛି ସମୟ ପରେ ଶ୍ରୀବିଗ୍ରହଙ୍କ ହାତୀବେଶ ଅନୁଷ୍ଠିତ ହେବ ।
ସୂଚନା ଅନୁସାରେ, ସ୍ନାନଯାତ୍ରା ପରେ ଶ୍ରୀଜୀଉ ମାନଙ୍କୁ ଜ୍ୱର ହୋଇଥାଏ । ଏହାର ମୁଖ୍ୟ କାରଣ ହେଉଛି ଅତ୍ୟଧିକ ଗାଧୋଇବା ଯୋଗୁ ଜ୍ୱରରେ ପଡ଼ିଯାନ୍ତି ଶ୍ରୀବିଗ୍ରହ । ଯାହା ଫଳରେ ସେମାନେ ରତ୍ନ ବେଦୀକୁ ଆଉ ଯାଇପାରନ୍ତି ନାହିଁ ।
ଏହି ସମୟରେ ସେମାନେ ଅଣସର ଘରକୁ ଯାତ୍ରା କରନ୍ତି । ଅଣସର ଘରେ ୧୩ ଦିନର ଗୁପ୍ତ ସେବା ସମ୍ପାଦିତ ହୋଇଥାଏ । ଏହା ପରେ ଜ୍ୱରରୁ ଶ୍ରୀଜୀଉ ଆରୋଗ୍ୟ ଲାଭ କରି ନବଯୌବନ ପ୍ରାପ୍ତି ହୁଅନ୍ତି । ଏହା ପରେ ଶ୍ରଦ୍ଧାଳୁଙ୍କୁ ଦର୍ଶନ ଦେବା ପାଇଁ ରଥାଯାତ୍ରାରେ ଶ୍ରୀମନ୍ଦିର ବାହାରକୁ ଆସି ମାଉସୀମା ମନ୍ଦିରରକୁ ଯାଇଥାନ୍ତି ।
