ତ୍ରିରଙ୍ଗା ଆଲୋକରେ ଝଲସିଲା କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କ ଲାଗିଛି ଭିଡ

ଗୋପ : ଆଲୋକରେ ଝଲସିଲା ବିଶ୍ୱ ପ୍ରସିଦ୍ଧ କୋଣାର୍କ ସୂର୍ଯ୍ୟ ମନ୍ଦିର । ୮୦ତମ ସ୍ୱାଧୀନତା ଦିବସ ପାଳନ ଅବସରରେ ଦେଶପ୍ରେମର ରଙ୍ଗରେ ରଙ୍ଗିନ ହୋଇଛି ଓଡ଼ିଶାର ଐତିହ୍ୟ ଓ ଗୌରବର ପ୍ରତୀକ ବିଶ୍ୱ ପ୍ରସିଦ୍ଧ କୋଣାର୍କ ସୂର୍ଯ୍ୟ ମନ୍ଦିର। ସ୍ୱାଧୀନତା ଦିବସ ପୂର୍ବରୁ ମନ୍ଦିରକୁ ତ୍ରିରଙ୍ଗା ଆଲୋକମାଳାରେ ସୁସଜ୍ଜିତ କରାଯାଇଥିବାରୁ ସନ୍ଧ୍ୟା ସମୟରେ କୋଣାର୍କର ଅପୂର୍ବ ସୌନ୍ଦର୍ଯ୍ୟ ଆହୁରି ମନମୁଗ୍ଧକର ହୋଇଉଠିଛି । ସବୁଜ, ଧଳା ଓ ନାରଙ୍ଗି ରଙ୍ଗର ଆଲୋକରେ ଝଲସୁଥିବା ସୂର୍ଯ୍ୟ ମନ୍ଦିରର ଦୃଶ୍ୟ ପର୍ଯ୍ୟଟକ ଓ ସ୍ଥାନୀୟ ଲୋକଙ୍କ ମନ ଜିଣିଛି । ଏଭଳି ଏକ ଐତିହ୍ୟସ୍ଥଳୀ ସ୍ୱାଧୀନତା ଦିବସ ଅବସରରେ ଜାତୀୟ ପତାକାର ତିନି ରଙ୍ଗରେ ଆଲୋକିତ ହେବା ଦୃଶ୍ୟ ଦେଶପ୍ରେମର ଭାବନାକୁ ଆହୁରି ଉଜ୍ଜୀବିତ କରିଛି ।