ନକଲି ସାର ବିକିଲେ ଯିବେ ଜେଲ୍ : ଉପମୁଖ୍ୟମନ୍ତ୍ରୀ

ଭୁବନେଶ୍ୱର  : ଆଜିକାଲି ବ୍ୟବସାୟୀମାନେ ନକଲି ସାର କୃଷକମାନଙ୍କୁ ବିକ୍ରିକରି ଠକୁଛନ୍ତି ଏବଂ ସାର ପାଇଁ ଉପଯୁକ୍ତ ମୂଲ୍ୟ ମଧ୍ୟ ନେଉଛନ୍ତି। ଯାହା ଫଳରେ ଚାଷୀମାନେ ଠକାମୀର ଶିକାର ହେଉଛନ୍ତି। ଚାଷୀ ତ ସାର ଆଣି କ୍ଷେତରେ ପକାଇଲା କିନ୍ତୁ କିଛି ଫସଲ ଫଳିଲାନି। ଏସବୁକୁ ଦୃଷ୍ଟିରେ ରଖି ନକଲି ସାର ବିକିଲେ ଜେଲ୍ ଯିବାନେଇ ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ କେଭି ସିଂଦେଓ । “ଏ ନେଇ ଜିଲ୍ଲାପାଳଙ୍କୁ ନର୍ଦ୍ଦେଶ ଦିଆଯାଇଛି । ଯେଉଁଠି ଧରା ପଡିବେ ସେମାନଙ୍କୁ ଜେଲ୍ ପଠାଯିବ” । କୃଷକମାନଙ୍କୁ ଠିକ୍ ସମୟରେ ୟୁରିଆ ସହିତ ଅନ୍ୟାନ୍ୟ ସାର ଉପଲବ୍ଧ କରାଇବାକୁ ଓ ଅବୈଧ ମୂଲ୍ୟ ବୃଦ୍ଧି ରୋକିବାରେ ଏହା ସହାୟକ ହେବ ବୋଲି କୁହାଯାଇଛି ।