ଯାଜପୁର ଟାଉନ/ସମ୍ବଲପୁର : ନବବର୍ଷ ପାଇଁ ମାଆ ବିରଜାଙ୍କ ମନ୍ଦିରରେ ଭିଡ଼ । ଯାଜପୁରର ଅଧିଷ୍ଠାତ୍ରୀ ଦେବୀ ମାଆ ବିରଜାଙ୍କ ମନ୍ଦିର ଚଳଚଞ୍ଚଳ ହୋଇ ଉଠିଛି । ନୂଆବର୍ଷର ବଡ଼ି ଭୋରୁ ମାଆଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ଲାଗିରହିଛି । ୨୦୨୬ କିପରି ଭଲରେ କଟିବ ଏବଂ ନବବର୍ଷର ପ୍ରଥମ ଦିନରେ ମାଆଙ୍କ ଆଶିଷ କାମନା ପାଇଁ କାହିଁ କେଉଁ ଆଡ଼ୁ ଧାଇଁ ଆସିଛନ୍ତି ଶ୍ରଦ୍ଧାଳୁ ।
ସେହିପରି ନବବର୍ଷରେ ମାଁ ସମଲେଶ୍ୱରୀଙ୍କ ଦର୍ଶନରୁ ଦିନ ଆରମ୍ଭ କରିବା ପାଇଁ ସକାଳୁ ସକାଳୁ ମାଁଙ୍କ ମନ୍ଦିରରେ ପ୍ରବଳ ଭିଡ଼ ଦେଖିବାକୁ ମିଳିଛି l ଭୋର ପାଞ୍ଚଟାରେ ମାଁଙ୍କ ମଙ୍ଗଳ ଆଳତୀ କରାଯାଇଥିଲା l ଶ୍ରଦ୍ଧାଳୁ ମାନଙ୍କ ପାଇଁ ସକାଳ 6 ଟା ରେ ମନ୍ଦିର ଗେଟ ଖୋଲା ଯାଇଥିଲା l ଭକ୍ତମାନେ ଯେପରି ମାଁ ଙ୍କ ଦର୍ଶନ ଭଲ ଭାବେ କରି ପାରିବେ ସେନେଇ ପୋଲିସ ଓ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି l
ନବ ବର୍ଷର ପ୍ରଥମ ଦିନରେ ପ୍ରବଳ ଭିଡ଼କୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ପକ୍ଷରୁ ଧାଡି ଦର୍ଶନର ବ୍ୟବସ୍ଥା କରାଯାଇଛି l ଭିଡ଼କୁ ନିୟନ୍ତ୍ରଣ କରିବା ପାଇଁ ପୋଲିସର ବ୍ୟବସ୍ଥା କଡାକଡି ରହିଛି l ଆଜି ମାଁ ଙ୍କ ନିକଟରେ ଭୋଗ ସମ୍ପୂର୍ଣ ଚଢା ଯାଉଛି l ସନ୍ଧ୍ୟା ସମୟରେ ମଧ୍ୟ ପ୍ରବଳ ଭିଡ଼ ଅନୁମାନ କରାଯାଉଛି l ଏଣୁ ସୁରକ୍ଷା ଦୃଷ୍ଟିରୁ 24 ଘଣ୍ଟା ପୋଲିସ ଆଜି ମୃତୟନ ରହିବେ l ମାଁ ଙ୍କୁ ସ୍ୱତନ୍ତ୍ର ଦର୍ଶନ କରିବା ପାଇଁ ଟିକେଟର ବ୍ୟବସ୍ଥା କରାଯାଇଛି l
