ଆଠଗଡ: ନିଶା ମହାରଣାଙ୍କୁ ଚେୟାର ମାଡ଼ । ଯାତ୍ରା ମଞ୍ଚ ଉପରେ ଉଡ଼ିଲା ଚେୟାର । ଗତକାଲି ଆଠଗଡ କଇଥ ଛକ ଠାରେ ଯାତ୍ରା ଚାଲିଥିଲା । ଆପତ୍ତି ଜନକ ଦୃଶ୍ୟ ପରିବେଷଣ ହେଉଥିବାରୁ ଚେୟାର ମାଡ଼ କରିଥିଲେ ଦର୍ଶକ। ମଞ୍ଚ ଉପରେ ଅଭିନୟ କରୁଥିବାବେଳେ ଚେୟାର ଓ ପାଣି ବୋତଲ ମାଡ଼ ହୋଇଥିଲା।
ନୂଆ କରି ଗଢ଼ି ଉଠିଥିବା ତାରିଣୀ ଗଣନାଟ୍ୟରେ ନିଶାଙ୍କୁ ବିରୋଧ କରାଯାଇଛି । ରବିବାର ଆଠଗଡ କଇଥ ଛକଠାରେ ତାରିଣୀ ଗଣନାଟ୍ୟର ପ୍ରଥମ ରାତିର ନାଟକ “ନିଶା ନିଶା ରାତି” ଯାତ୍ରା ପରିବେଷଣ ବେଳେ ନିଶା ମହାରଣା ଅଭିନୟ କରୁଥିଲେ । ଏହି ସମୟରେ ସେ ଏକ ଆପତ୍ତିଜନକ ଦୃଶ୍ୟ ପରିବେଷଣ କରିଥିଲେ । ଯେଉଁଥି ପାଇଁ ଷ୍ଟେଜ ଉପରକୁ ଚେୟାର ଓ ପାଣି ବୋତଲ ମାଡ କରିଥିଲେ ଦର୍ଶକ । ଫଳରେ କିଛି ସମୟ ପାଇଁ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । ତେବେ ଏନେଇ ନିଶାଙ୍କ ପ୍ରତିକ୍ରିୟା ମିଳି ପାରିନାହିଁ ।
