ନୂଆପଡ଼ା: ନୂଆପଡ଼ା ନିର୍ବାଚନ ପାଇଁ ବିଜେଡି ରଣନୀତି । ଗଠନ ହେଲା ଷ୍ଟିଅରିଂ , ଜୋନାଲ କମିଟି ଓ ଲୋକଲ ଆକ୍ସନ କମିଟି। ଷ୍ଟିଅରିଂ କମିଟିରେ ୬ ବରିଷ୍ଠ ନେତା ଅଛନ୍ତି । ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ, ନିରଞ୍ଜନ ପୂଜାରୀ, ସ୍ନେହାଙ୍ଗିନି ଛୁରିଆ, ଟୁକୁନି ସାହୁ, ନିରଞ୍ଜନ ବିଶି ଓ ଆୟୁବ ଖାନ ଷ୍ଟିଅରିଂ କମିଟି ସଦସ୍ୟ ଅଛନ୍ତି ।
ସେହିପରି ୬ ଟି ଜିଲ୍ଲା ପରିଷଦ ଜୋନ୍ ଓ ୪ଟି ପୌରାଞ୍ଚଳ ଜୋନ୍ ପାଇଁ ୧୦ ଜଣିଆ ଜୋନାଲ କମିଟି ସଦସ୍ୟଙ୍କୁ ନିଯୁକ୍ତ କରିଛନ୍ତି ପାର୍ଟି ସୁପ୍ରିମୋ ନବୀନ ପଟ୍ଟନାୟକ। ନୂଆପଡ଼ା ଏନଏସି ପାଇଁ କଳିକେଶ ନାରାୟଣ ସିଂଦେଓ ଓ ସାରଦା ନାୟକଙ୍କୁ ଦାୟିତ୍ବ ଦିଆଯାଇଛି। ଖରିଆର ଏନଏସି ପାଇଁ ରୋହିତ ପୂଜାରୀ ଓ ବିକ୍ରମ ପଣ୍ଡାଙ୍କୁ ଦାୟିତ୍ବ ଦେଇଛନ୍ତି ନବୀନ।
ସେହିପରି ନୂଆପଡ଼ା ଓ କୋମନା ବ୍ଲକରେ ଥିବା ୬ଟି ଜିଲ୍ଲା ପରିଷଦ ଜୋନ ପାଇଁ ଜଣେ ଲେଖାଏ ବରିଷ୍ଠ ନେତାଙ୍କୁ ଦାୟିତ୍ବ ଦେଇଛନ୍ତି ବିଜେଡି ସୁପ୍ରିମୋ। ଏହାସହ ଲୋକାଲ ଆକ୍ସନ କମିଟିରେ ୩ ଜଣ ସଦସ୍ୟ ଅଛନ୍ତି।
