ପାକିସ୍ତାନ : ପାକିସ୍ତାନ ଆର୍ମି ଏଭିଏସନର ଏମଆଇ-୧୭ ହେଲିକପ୍ଟର କ୍ରାସ । ଏଥିରେ ଥିବା ସମସ୍ତ ଲୋକଙ୍କ ମୃତ୍ୟୁ ହୋଇଛି । ରେସକ୍ୟୁ ଟିମ୍ ଘଟଣା ସ୍ଥଳରେ ପହଞ୍ଚିଛି । ହେଲିକପ୍ଟରଟି ଉଡ଼ାଣ ଭରିଥିବା ସମୟରେ ଦୁର୍ଘଟଣାର ଶିକାର ହୋଇଛି ।
ଖବର ମୁତାବକ, ପାକିସ୍ତାନ ଆର୍ମି ଏଭିଏସନର ଏକ ଏମଆଇ-୧୭ ହେଲିକପ୍ଟର ବୈଷୟିକ ତ୍ରୁଟି ଯୋଗୁଁ ମୁଜ୍ଜାଫରାବାଦରୁ ଉଡ଼ାଣ ଭରୁଥିବା ସମୟରେ ଦୁର୍ଘଟଣାର ଶିକାର ହୋଇଛି । ଏଥିରେ ଥିବା ସମସ୍ତ ଲୋକଙ୍କ ମୃତ୍ୟୁ ହୋଇଛି ।
ସେନା ପକ୍ଷରୁ ବୟାନ ଜାରି କରି କୁହାଯାଇଛି କି, ହେଲିକପ୍ଟର କୌଣସି ଯାନ୍ତ୍ରିକ ତ୍ରୁଟି ଯୋଗୁଁ ଦୁର୍ଘଟଣାର ଶିକାର ହୋଇଛି । ଦୁର୍ଘଟଣା ପରେ ରେସକ୍ୟୁ ଟିମ୍ ଏବଂ ରିକଭରୀ ଟିମ୍ ଦୁର୍ଘଟଣା ସ୍ଥଳରେ ପହଞ୍ଚିଛି । ତେବେ ମୃତକଙ୍କ ସଂଖ୍ୟା ଏଯାଏଁ ଜଣାପଡିନାହିଁ ।
ଘଟଣା ପିଓକେର ନୀଲମ ଭ୍ୟାଲିରେ ହୋଇଛି । ଏଥିରେ ଥିବା ସମସ୍ତ ସୈନିକଙ୍କ ଜୀବନ ଚାଲିଯାଇଛି । ତେବେ କେତେ ସୈନିକ ଥିଲେ, ତାହା ଜଣାପଡିନାହିଁ । ପିଓକେର ପ୍ରଦର୍ଶନକାରୀଙ୍କ ଗତିବିଧି ଉପରେ ନଜର ରଖିବା ପାଇଁ ପାକିସ୍ତାନ ସେନା ହେଲିକପ୍ଟର ନିୟୋଜିତ ରହିଛି । କୁହାଯାଉଛି ଯେ, ହେଲିକପ୍ଟରରେ ପାଲଇଟଙ୍କ ସମେତ ୨୦ ସୈନିକ ଥିଲେ । ଦୁଇଦିନ ପୂର୍ବେ ବଲୁଚସ୍ତାନରେ ଏକ ପାକିସ୍ତାନୀ ସେନା ହେଲିକପ୍ଟର ଖସିପଡିଥିଲା ।
