ପିକ୍‌ଅପ୍ ଦୁର୍ଘଟଣାଗ୍ରସ୍ତ; ମୃତ

ପାଟଣାଗଡ଼ ଥାନା ପାଢେଲ ଗାଁ ନିକଟରେ ପଦ୍ମପୁର ପଟରୁ ପାଟଣାଗଡ଼କୁ ଆସୁଥିବା ଏକ ପିକ୍‌ଅପ୍ ଭ୍ୟାନ ରାସ୍ତା କଡ଼ରେ ଥିବା ଏକ ନିମ୍ୱଗଛକୁ ଧକ୍କାଦେବା ଫଳରେ ଦୁଇ ଜଣଙ୍କ ମୃତ୍ୟୁ ଘଟିଛି । ମୃତ ଯୁବକ ଦ୍ୱୟ ହେଲେ ଦେଓଗାଁ ଥାନା ବ୍ରାହ୍ମଣୀଯୋର ଗାଁର ନିତ୍ୟାନନ୍ଦ ବାଗ ଓ ସିଂଘାମୁଣ୍ଡା ଗାଁର ଜଳନ୍ଧର ସାହୁ । ସୋମବାର ଅପରାହ୍ନରେ ପିକ୍‌ଅପ୍ ଭ୍ୟାନ୍ ପଦ୍ମପୁରରୁ ପାନ ମସଲା ସାମଗ୍ରୀ ନେଇ ଦେଓଗାଁ ଥାନା ବନପଡ଼ା ଗ୍ରାମକୁ ଯାଉଥିଲା । ପିକ୍‌ଅପ୍ ଟି ପାଢେଲ ଗାଁ ନିକଟରେ ମୁଖ୍ୟ ରାସ୍ତା କଡ଼ରେ ଥିବା ଏକ ନିମ୍ୱ ଗଛକୁ େ ଧକ୍କା ଦେଇଥିଲା । ଘଟଣାସ୍ଥଳରେ ଗାଡ଼ିରେ ଥିବା ଡ୍ରାଇଭର ନିତ୍ୟାନନ୍ଦ ବାଗ ଓ ତାର ସହଯୋଗୀ ଜଳନ୍ଧର ସାହୁଙ୍କ ମୃତ୍ୟୁ ଘଟିଥିଲା । ପାଢେଲ ଗାଁର ଲୋକେ ପହଞ୍ଚି ପୁଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବାହିନୀ ଓ ପାଟଣାଗଡ଼ ଥାନାଧିକାରୀ ହରିବନ୍ଧୁ ଗଡତ୍ୟା ପହଞ୍ଚି ଶବ ଜବତ କରିଥିଲେ । ଖବର ଲେଖାହେବା ପର୍ଯ୍ୟନ୍ତ ଏ ଘଟଣାରେ ଏକ ଦୁର୍ଘଟଣା ଜନିତ ମାମଲା ହୋଇଥିବାବେଳେ ମୃତକଙ୍କ ଶବକୁ ବ୍ୟବଚ୍ଛେଦ ପାଇଁ ପଠାଯାଇଥିବା ଥାନା ଅଧିକାରୀ ବ୍ରଜବନ୍ଧୁ ଗଡ଼ତ୍ୟା ସୂଚନା ଦେଇଛନ୍ତି ।