ପିପିଲି : ବାର୍ଡ଼ ଫ୍ଲୁ ପରେ କୁକୁଡ଼ା ମରା ଅଭିଯାନ। ପିପିଲିରେ ବାର୍ଡ଼ ଫ୍ଲୁ । ଘଟଣାର ତଦନ୍ତ କରୁଛନ୍ତି ୧୩ ଜଣିଆ ଡାକ୍ତର ଟିମଙ୍କ ସମେତ ପିପିଲି ପ୍ରାଣୀ ଚିକିତ୍ସା ଅଧିକାରୀ । ପିପିଲିରେ ୪୭ଟି କୁକୁଡ଼ା ଫାର୍ମରୁ ପାଖାପାଖି ୨୦ ହାଜରରୁ ଅଧିକ କୁକୁଡ଼ା ମରାଯିବା ଅନୁମାନ । ଆଜି ଦ୍ୱିତୀୟ ଦିନରେ ୪ ହଜାର ୭୪୯ କୁକୁଡ଼ା ମରାଯାଇଛି । ଜନବସତି ଠାରୁ ଦୂରକୁ ନେଇ ଗାତ ଖୋଳି ପୋତା ଯାଉଛି ।
ପିପିଲିକୁ ୧୧ଟି ପ୍ରବେଶ ପଥ ରହିଥିବା ବେଳେ ସମସ୍ତ ପ୍ରବେଶ ପଥକୁ ସିଲ କରିବା ପାଇଁ ବିଭାଗ ପକ୍ଷରୁ ଜ଼ିଲ୍ଲାପାଳଙ୍କ ଅନୁରୋଧ କରାଯିବ ବୋଲି କଟକ ସ୍ଥିତ ପ୍ରାଣୀ ପାଳନ ଓ ପ୍ରାଣୀ ଚିକିତ୍ସା ବିଭାଗ ଅତିରିକ୍ତ ନିର୍ଦେଶକ ଜଗନ୍ନାଥ ନନ୍ଦ କହିଛନ୍ତି ।
