ଶ୍ରୀନଗର : ଆଜି ପୁଣି ଜମ୍ମୁ-କାଶ୍ମୀରରେ ଭୂକମ୍ପ ଝଟକା । କାଶ୍ମୀର ଘାଟିର କେତକ ସ୍ଥାନରେ ଭୂକମ୍ପର ଝଟକା ଅନୁଭୂତ ହୋଇଛି । ଯାହାର ତୀବ୍ରତା ରିକ୍ଟର ସ୍କେଲରେ ୫.୦ ଥିବା ଜଣାପଡିଛି । ଭୂକମ୍ପର କେନ୍ଦ୍ରସ୍ଥଳ ଆଫଗାନିସ୍ତାନର ବଦାଖଶାନ ଅଞ୍ଚଳର ଯାୟବକରେ ଥିଲା । ଭୂକମ୍ପ ସକାଳ ପ୍ରାୟ ୮ ଟା ୨୪ ମିନିଟ୍ ସମୟରେ ହୋଇଥିବା ସୂଚନା ମିଳିଛି । ଏହା ୧୯୦ କିଲୋମିଟର ଗଭୀରତାରେ ଥିବା ଜଣାପଡିଛି । କିନ୍ତୁ ଏଥିରେ କୌଣସି କ୍ଷୟକ୍ଷତି ହୋଇଥିବାର ରିପୋର୍ଟ ମିଳିନାହିଁ । ଭୂକମ୍ପ ହେବା ପରେ ଅନେକ ଲୋକ ଘରୁ ବାହାରକୁ ଆସିଥିଲେ । ଏହା ବ୍ୟତୀତ ଲୋକଙ୍କ ମଧ୍ୟରେ ଏହା ଆତଙ୍କ ସୃଷ୍ଟି କରିଛି ।
ସୂଚନାଯୋଗ୍ୟ, ଗତ କିଛି ଦିନ ତଳେ ଜମ୍ମୁ-କାଶ୍ମୀରରେ ଭୂକମ୍ପ ଅନୁଭୂତ ହୋଇଥିଲା । ଯାହାର ରିକ୍ଟର ସ୍କେଲରେ ୪.୬ ତୀବ୍ରତାର ରେକର୍ଡ ହୋଇଥିଲା । ଠିକ୍ ଏହାର ୧୦ ମିନିଟ ପରେ ପୁଣି ୩.୦ ତୀବ୍ରତା ଭୂକମ୍ପ ହୋଇଥିଲା । କିନ୍ତୁ ସେହି ସମୟରେ ମଧ୍ୟ କୌଣସି କ୍ଷୟକ୍ଷତି ଘଟିନଥିଲା ।
