କେନ୍ଦ୍ରାପଡ଼ା: ପୂର୍ବ ଶତ୍ରୁତାକୁ କେନ୍ଦ୍ରକରି ବ୍ଲାଙ୍କ ଫାୟାରିଂ । କେନ୍ଦ୍ରାପଡ଼ା ସଦର ଥାନା ଗରାପୁରରେ ଘଟିଛି ଘଟଣା । ଜଣେ କାର୍ଯ୍ୟରତ ଶିକ୍ଷକଙ୍କ ପରିବାରଙ୍କ ଘର ପାଖରେ କିଛି ଦୁର୍ବୃତ୍ତ ଅଶ୍ଲୀଳ ଭାଷାରେ ଗାଳିଗୁଲଜ କରିବା ସହ ଫାଙ୍କା ଗୁଳିଚାଳନା କରିଥିଲେ । ଅଳ୍ପକେ ବର୍ତ୍ତିଯାଇଛନ୍ତି ଶିକ୍ଷକ ମନୋଜ ରାଉତରାୟ ଓ ତାଙ୍କ ପରିବାର । ପୂର୍ବ ଶତ୍ରୁତାକୁ କେନ୍ଦ୍ରକରି ଫାଙ୍କା ଗୁଳିଚାଳନା କରିଥିବା ସୂଚନା ।
ହୋଟେଲ ଦିପ୍ୟାଲେସ ନିକଟସ୍ଥ ମଦ ଦୋକାନ ନିକଟରେ ଥିବା ଏକ ଦୋକାନୀ ଶିବୁ, ଶିକ୍ଷକ ମନୋଜ ଓ ତାଙ୍କ ପରିବାରଙ୍କୁ ଗାଳି ଗୁଲଜ କରିବା ସହ ବଟି ମାଗିଥିଲା । ପ୍ରତିବାଦ କରିବାରୁ ଶିବୁ ବନ୍ଧୁକ ଦେଖାଇ ଏକ ରାଉଣ୍ଡ ଫାଙ୍କା ଗୁଳି ଚାଳନା କରିଥିଲା । ଥାନରେ ଅଭିଯୋଗ ପରେ ସଦର ଥାନା ପୋଲିସ ଘଟଣାର ତଦନ୍ତ ଜାରି ରଖିଛି ।
