ବ୍ରହ୍ମପୁର : ଜାମିନ ଆବେଦନର ଶୁଣାଣି ୨୦ ତାରିଖକୁ ଘୁଞ୍ଚିଲା । ପୋଲିସ ଏସ୍ଆଇ ପରୀକ୍ଷା ଜାଲିଆତି ମାମଲାରେ ଗିରଫ ହୋଇ ବ୍ରହ୍ମପୁର ମଣ୍ଡଳ କାରାଗାରରେ ରହୁଥିବା ଶଙ୍କର ପୃଷ୍ଟି ସମେତ ମୋଟ ୭ ଜଣଙ୍କ ଜାମିନ ଆବେଦନର ଶୁଣାଣି ବ୍ରହ୍ମପୁର ଭିଜିଲାନ୍ସ କୋର୍ଟରେ ଆଜି ହେବାର ଥିଲା l ଏହି କେଳେଙ୍କାରୀର ମୁଖ୍ୟ କୁହାଯାଉଥିବା ଶଙ୍କର ପୃଷ୍ଟିଙ୍କ ସମେତ ସୁରେଶ ନାୟକ, ଅରବିନ୍ଦ ଦାସଙ୍କ ଶୁଣାଣି ଆସନ୍ତା ୨୦ ତାରିଖକୁ ଘୁଞ୍ଚିଲା l
ଅନ୍ୟ ପଟେ ଦୁଇ ଏଜେଣ୍ଟ ଟଫିନ ଅହମଦ ଖାନ, ବିଶ୍ୱରଞ୍ଜନ ବେହେରା ଓ ଦୁଇ ପରୀକ୍ଷାର୍ଥୀ ଶେଖର ସାହୁ ଓ ପ୍ରକାଶ ସାହୁଙ୍କ ଜାମିନ ଆବେଦନର ଶୁଣାଣି ହୋଇ ସାରିଛି । ଏଵେ କେବଳ ରାୟକୁ ଅପେକ୍ଷା l ରିମାଣ୍ଡରେ ଥିବା ବେଳେ ଶଙ୍କରକୁ ପଚରାଉଚରା ବେଳେ ସେ ସତ କହୁନଥିବା କ୍ରାଇମ ବ୍ରାଞ୍ଚ ସନ୍ଦେହ କରିଥିଲା l ଶଙ୍କରର ପଲିଗ୍ରାଫ ପରୀକ୍ଷା କରିବାକୁ କ୍ରାଇମବ୍ରାଞ୍ଚ ପକ୍ଷରୁ ବ୍ରହ୍ମପୁର jmfc ଗ୍ରାମୀଣ କୋର୍ଟରେ ଆବେଦନ କରାଯାଇଥିଲା l
ସେହି ଆବେଦନର ଶୁଣାଣି ହୋଇ ପାରିନାହିଁ l ଏପଟେ ଏହି ପରୀକ୍ଷା ଜାଲିଆତିର ତଦନ୍ତ ଏଣିକି ସିବିଆଇ କରିବ ବୋଲି ମଙ୍ଗଳବାର ସରକାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ସିବିଆଇ ଦଳ ଖୁବଶୀଘ୍ର ବ୍ରହ୍ମପୁରରେ ପହଞ୍ଚିବେ ବୋଲି ଜଣାପଡିଛି l ଏସବୁ ଭିତରେ କ୍ରାଇମବ୍ରାଞ୍ଚ ଟିମ ଶଙ୍କର ର ଅନ୍ୟତମ ସହଯୋଗୀ ସାଗର ଗୌଡ଼ କୁ ଗିରଫ କରିଛି l
