ନୂଆଦିଲ୍ଲୀ : ପ୍ରଥମ ଥର ପାଇଁ ଫୁଟବଲ ୱାର୍ଲ୍ଡ କପ୍ ଚାମ୍ପିଅନ୍ ୫୧ ମିଲିୟନ୍ ଡଲାର ବା ପ୍ରାୟ ୪୯୦ କୋଟି ଟଙ୍କା ପାଇବେ । ଫିଫା ୮୭୧ ମିଲିୟନ୍ ଡଲାର ବା ପ୍ରାୟ ୮୪୦୦ କୋଟି ଟଙ୍କାର ପୁରସ୍କାର ପାଣ୍ଠି ଘୋଷଣା କରିଛି ।
ୱାର୍ଲ୍ଡ କପ୍ ପାଇଁ ଚାମ୍ପିଅନଙ୍କୁ ୧୨.୫ ନିୟୁତ ଡଲାର କିମ୍ବା ପ୍ରାୟ ୧.୨ ବିଲିଅନର ପୁରସ୍କାର ମିଳିବ । ବିଜେତା ଦଳର ଖେଳାଳିମାନେ ପଦକ ସହିତ ଚାମ୍ପିଅନସିପ୍ ରିଙ୍ଗ ପାଇବେ ବୋଲି ଫାଇନାଲ୍ ପୂର୍ବରୁ ଫିଫା ଘୋଷଣା କରିଥିଲା । ଶେଷ ୪ଟି ଦଳ ଫିପା ବିଶ୍ବକପ୍ ୨୦୨୬ରେ ସର୍ବାଧିକ ପୁରସ୍କାର ରାଶି ପାଇବେ । ଉପବିଜେତାଙ୍କୁ ୩୧୭ କୋଟି କିମ୍ବା ୩୩ ଡଲାରର ପୁରସ୍କାର ରାଶି ମିଳିବ । ତୃତୀୟ ସ୍ଥାନ ଅଧିକାର କରିଥିବା ଦଳକୁ ପ୍ରାୟ ୨୭୯ କୋଟି ପୁରସ୍କାର ମିଳିବ । ଚତୁର୍ଥ ସ୍ଥାନ ଅଧିକାର କରିଥିବା ଦଳକୁ ପ୍ରାୟ ୨୫୯ କୋଟି ଟଙ୍କାର ପୁରସ୍କାର ରାଶି ମିଳିବ ।
ଏଥିସହିତ ବିଶ୍ୱକପ୍ ଇତିହାସରେ ପ୍ରଥମ ଥର ପାଇଁ ଚାମ୍ପିଅନ୍ ହୋଇଥିବା ଦଳର ଖେଳାଳି ଏବଂ ଷ୍ଟାଫ୍ଙ୍କୁ ଟ୍ରଫି ଏବଂ ସ୍ୱର୍ଣ୍ଣ ପଦକ ସହିତ ଚାମ୍ପିଅନ୍ସିପ୍ ରିଙ୍ଗ ପ୍ରଦାନ କରାଯିବ । ଯେଉଁ ରିଙ୍ଗର ଗୋଟିଏ ପାର୍ଶ୍ବରେ ଟ୍ରଫି ରହିବାବେଳେ ଅନ୍ୟ ପାର୍ଶ୍ବରେ ବିଜେତା ଦଳ ଦ୍ବାରା ଅନୁପ୍ରାଣିତ ଏକ ଅନନ୍ୟ ଡିଜାଇନ୍ ରହିବ । ପ୍ରତ୍ୟେକ ରିଙ୍ଗ୍କୁ ଅନନ୍ୟ ଭାବରେ ନମ୍ବର ଦିଆଯିବ ଏବଂ ଖେଳାଳିଙ୍କ ଅନୁସାରେ କଷ୍ଟମାଇଜ୍ କରାଯିବ। ରିଙ୍ଗ୍ର ସରକାରୀ ସ୍ଥିତି ନିଶ୍ଚିତ କରି ଏକ ପ୍ରମାଣପତ୍ର ମଧ୍ୟ ପ୍ରଦାନ କରାଯିବ । ଫାଇନାଲ ପରେ, ବିଜେତା ଦଳର ଅଧିନାୟକ ଏବଂ ମୁଖ୍ୟ ପ୍ରଶିକ୍ଷକ ଅସ୍ଥାୟୀ ରିଙ୍ଗ ପାଇବେ । ତା’ପରେ ସମଗ୍ର ବିଜେତା ଦଳ ପାଇଁ ତିରିଶଟି ରିଙ୍ଗ ତିଆରି କରାଯିବ । ପ୍ରତ୍ୟେକ ରିଙ୍ଗ ଖେଳାଳିମାନଙ୍କ ପାଇଁ କଷ୍ଟମାଇଜ୍ କରାଯିବ ଏବଂ ପରବର୍ତ୍ତୀ ସମୟରେ ସେମାନଙ୍କୁ ପ୍ରଦାନ କରାଯିବ । ଏହିପରି ୨,୦୨୬ଟି ରିଙ୍ଗ ତିଆରି କରାଯିବ । ବାକି ୧୯୯୬ ରିଙ୍ଗ ସରକାରୀ ଲାଇସେନ୍ସ ଥିବା ଫୁଟବଲ୍ ପ୍ରଶଂସକଙ୍କ ପାଇଁ ବିକ୍ରୟ ପାଇଁ ଉପଲବ୍ଧ ହେବ ।
ଅନ୍ୟପଟେ ୨୦୨୬ ବିଶ୍ୱକପ୍ ଫାଇନାଲ୍ ୟୁରୋପୀୟ ଚାମ୍ପିଅନ୍ ସ୍ପେନ୍ ଏବଂ ବିଶ୍ୱ ଚାମ୍ପିଅନ୍ ଆର୍ଜେଣ୍ଟିନା ମଧ୍ୟରେ ଖେଳାଯିବ । ସେମିଫାଇନାଲ୍ରେ ସ୍ପେନ୍ ଫ୍ରାନ୍ସ ଦଳକୁ ପରାସ୍ତ କରି ଫାଇନାଲରେ ନିଜର ସ୍ଥାନକୁ ସୁରକ୍ଷିତ କରିଥିଲା । ସେପଟେ ଆର୍ଜେଣ୍ଟିନା ଦ୍ୱିତୀୟ ଥର ପାଇଁ ଏବଂ ସାମଗ୍ରିକ ଭାବରେ ସପ୍ତମ ଥର ପାଇଁ ବିଶ୍ୱକପ୍ ଫାଇନାଲରେ ପହଞ୍ଚିଛି । ଅନ୍ୟ ସେମିଫାଇନାଲ୍ରେ ଆର୍ଜେଣ୍ଟିନା ଇଂଲଣ୍ଡକୁ ୨-୧ ଗୋଲରେ ପରାସ୍ତ କରିଥିଲା ।
